[ موشح في الحسن (ع) ]
مهجة الهادي النبي اوريحانته...بالطشت اصبح يگلّب چبدته
يمن للهادي يبو امحمّد چبد...جود وفّادك اوللشيعه مجد
دوك نغل الزانيه العاهر هند...بيك ثاراته اومنيتك منوته
امسه وعيونه المنّك مسهره...عگبك اتهنّت اوطاب الها الكره
لاچن الاسلام شمسه امكوّره...خلفك اوويّاك راحت هيبته
والكرم بحره لمن شخصك ظعن...غار وارياض المزهرات انجلن
ساعد الله حسین گلبه اعله الحسن...ذاب لاچنّه ابجمرة حسرته
اشلون حال حسين من شاف الطشت...بين اديك او چبدك ابوسطه يكت
صاح ويلك يادهر ما انصفت...لاچن امن الگلب سالت دمعته
جذب ونّه حزن لاون بالجبل...سحّت اركانه اوتفطّر وضمحل
صاح بعضيدي اودمع عينه همل...اشلون هذا السم مهجتك جرعته
اوبي يبو محمّد دگلّي ياعضيد...منهو خويه الجرّعك سم ياعميد
گاله يحسين من عنده اشتريد...گالّه ارد اگطع وحگك رگبته
من سمع دمعه على اخدوده سجم...اوجاوبه يحسين ياراعي الشيم
بالسِگاني ادري يبو اليمّه السم...ما على فعله انخفه اوشخصه انغته
لاچن اترجّاك يحسين ابأمر...لوگضه نحبي احتسب واجرع صبر
لاتصيب احّد ولادم اتهدر...واشكر المعبود وارضه ابحكمته
وانغشه اعليه اوصرخ مجده اونعه...وانتخه اوون اوتسایل مدمعه
عگب ماوصّه الحسین اوودّعه...سلّم اوزار الملك بمنيّته
عجّت اعليه الهواشم بالصياح...والفواطم بالونين اوبالنياح
صاحت العصرين حي اعله الفلاح...منهل الورّاد باطن راحته
مات لاچن مات ويّاه الكرم...غاب لاچن غاب ويّاه الرحم
والدهر من مات ابو محمدندم...والندامه ما تفيد الغدرته
