" من دون حُبك يحسين، ماتسوه كل دنيانه "
من الطفوله خدمتك لازمنه...حُبك تره من الخطأ لازمنه
صُبح ومسه نشكر إلك لازمنه
" وجه وگفه انبوس الإيد، نخدم جبتنه اهنانه "
ننسه الخدامه هالطبع مو عدنه...عدناهه بس إنته الـنحب مو عدنه
ابمجلس عزائك عالوقت موعدنه
" موعدنه نفس التوقيت، وكت اللطم تلگانه "
امجربه محبتك سيدي شاره الها...روحي وحياتي خدمتك شاري الها
لمحبتك حتى النبي شار الها
" منه انه ومني حسين، ولمُهجتي الريحانه "
شُكراً يبو اليمه اشكثر منطينه...مهما ابعدت طي الأرض من طينه
ربنا خلق كل البشر من طينه
" إلا إحنه من دون الناس، من طينتك سوانه "
ميصير أعز من خدمتك شي عدنه...عندك ملايين الخدم شي شـ يعدنه؟
الشيعي الاصلي نسأله شيعي ادنه
" كل شيعي مُخلص يحسين، تريده ونريده اويانه "
خطوة ابطريقك لا أبد مـ رجعنه...واشما نغرب هم إلك مرجعنه
يابو الشعائر إنته بس مرجعنه
" من إيدك لإيدك هاي، انحسك أبو اوترعانه "
بيت الخدامه والخدم واجهتـه...وجهة طريقك كل مُحب واجهتـه
لأجلك يبو اليمه الصعب واجهتـه
" شمرة أخوك العباس، بالخدمه ماخذ انه "
نرخص يبو الأكبر إلك ناظرنه...ابهاي الخدامه المُنتظر ناظرنه
ورضوان باجر بالورد ناضرنه
" عنوان خادم الحسين، جنة عدن عنوانه "
