صحت ردوا الخيل عن خدر الحرم...صاحوا اعليكم نوج كل الخيم
صحت بيها أطفال لو عدكم شيم...صاحوا انذّبح الرضع جينه
صوت من الهجموا اسمع صيحته...بناري هاي حسين أحرق خيمته
بالحجر رضيت آنه جبهته...وخضّبت شيبته بدم اجبينه
ذاك وجه حسين هوه خضّبه...هذا ثوب حسين بيده سلّبه
والشتمني قال آنه امصوبه...بسهمي جبده طلعت ثلثينه
صوت سلابه بخيمنه ينسمع...وين حنت جاسم ووين الشمع
بسيفي خليت العرس دم ودمع...ومن طبرته حنته بجفينه
حنت العريس من دم هامته...ويم علي ابن حسين صارت نومته
علي الأكبر وين أمه وعمته...احنه جسمه صاحوا اموذرينه
وخيمة العباس من دون الخيم...ضجه خله اتصير سلاب العلم
راسه قال بهذا عامودي انهشم...وواحد آنه اقطعت قال ايمينه
عالنهر يسرته انقطعت واليمين...واشتفيت ايقول بعضيد الحسين
من شفت عباسكم لعياله عين...بهذا سهمي قلت لطفي عينه
واحد ايسلب لقيته بالرباب...قلها سهمي هذا راواج المصاب
وجه طفلج خضبه الدم والتراب...وين تلقيه بعد واترضعينه
هاي الآىم الشفتها بكربله...وإجه الليل اويا ألم أتحمله
ردت حارس يا علي للعايله...وصحت ليش الابو ناسي حسينه
