يحسين الفجر ساعه وبعد يطلع...ولا ظل كل أمل بيه للوطن نرجع
غرايب عدمن بهالليل تتودع...ومن بعدك يخويه من يحاميها

آخر ليله من عمرك يخويه اوياي...وبأطفالك يبو اليمه وصيتك هاي
من الليله أطفالك تريد الماي...والماي انلزم ومنين أرّويها

باجر أدري خويه كلنه نيتم...بدال الماي خويه انصبح اعله الدم
هالليله خواتك عدهن امخيم...باجر خيمه متظل اختك اعليها

يحسين وبعد ساعات لخيامي...اتصير ارماد يبن الزهره قدامي
من ينزف يخويه قلبك الضامي...اخيامي الخيل كلها تتجه ليها

هالليله الخيم كلها خيم احزان...وكل الأمهات اتودع الشبان
حته المرضعات اتودع الرضعان...وعبدالله الرقيه ما يناغيها

امطلع اجفوفه من اقماطه شيصبره...اشفافه يبست ويومي على صدره
ساعه ايخلي جف ايده على نحره...وعينه يم رقيه ودمعه ما بيها