صحنه مثل ام البنين...اغلى كل غالي حسين
🔹🔹🔹🔹🔹🔹
طاري الحسين الي يحب روحه دوماً هايمهن...مقترن موته وحياته كل سنه بمحرمه
ام البنين المدرس كل حسيني تعلمهن...كيف تصبح خادمه او هي اول خادمه
گالت بدرس الحنينن...اغلى كل غالي حسين
🔹🔹🔹🔹🔹🔹
ذوب بحسين وحروفه وبطعم كلشي تحسن...والي يريد يعيش عابس خله منه يقتبس
يا حلاها عالخدامه لمن تموت النفسن...بالعشق هيج اليوفي گله ناجح بالدرس
كلمة السر بالسنين...اغلى كل غالي حسين
🔹🔹🔹🔹🔹🔹
جوشن الحب الحسيني كلشي بي تتملكهن...حروف قدسيه الحفظ عمره الله يباركه
ام البنين وحزنها اليوم كلنه نشاركهن...صارت بعالم الخدمه لكل حسيني ملكه
وضحة للعاشقينن...اغلى كل غالي حسين
🔹🔹🔹🔹🔹🔹
يقتدي بيها بحياته الله لازم يرفعهن...مرجعيه للمدامع هاذه ام الأربعه
مقصره تگول لحبيبي شکد لعد متواضعهن...اني لحسين وبنيني نروح فدوه لأصبعه
كتبت بدمعة العينن...اغلى كل غالي حسين
🔹🔹🔹🔹🔹🔹
اليخلص بحبه مثله الزمن اسمه يدونهن...بالعمل والخدمه دوم احسين ميحب الأنه
وصت بهاي الوصيه كل محرم لو دنهن...ايد وحده نصير كلنه بالمواكب كل سنه
افهموها الچلمه زينن...اغلى كل غالي حسين
🔹🔹🔹🔹🔹🔹
شكراً لأم البنين العلمتنه الحب صدگن...بالخدامه الحسينيه هي استاذ العشگ
مثل حركتها بگلبها الگلب لازم يحترگن...شرف النه كل محرم عالصدر اله ندگ
نهتف وياها بونينن...اغلى كل غالي حسين
