انا ادري عندك علم...بالرؤيا تملك فهم
يايوسف ارد انشدك...هالليله بس عن حلم
حلمي ترى من الصغر...بعيوني دوم ويمر
احچيلي عن رؤيتي...لتخلي گلبي يهم
انه ام الاربعه تمنيت اشوفك انشدك عن مسائل
سنابل چن صفر خضار بدليلي خذنه وهسه ذابل
ضعن شفته طلع بس شايل بدور
وعلى ناگه مشت چن سورة النور
وشفت ورده بقت خاطرها مكسور
الورد عنها مشه وعيونها ادور
ليش الورد ينلچم...لو ما نفس بي يشم
فسرلي هذا الامر...تفسيره كلش مهم
حلمي تره من الزغر...بعيوني دوم ويمر
احچيلي عن رؤيتي...لتخلي گلبي يهم
انام ولن شفت صور بس غريبه تجي دوم بمنامي
شفت بالبر بحر ييوسف عجيبه بحر بس شفته ضامي
بلكي وتمتلك تفسير بلواي
شايفلك بحر عطشان للماي ؟
منو هذا البحر وشعنده وياي
يگلي انطيني گطره يبست شفاي
ليش البحر مزدحم...فوگاه خيول وزلم
قسم اليضربه بسهم...وبحجر يضرب قسم
حلمي ترى من الزغر...بعيوني دوم ويمر
احچيلي عن رؤيتي...لتخلي گلبي يهم
عبايه امتربه اشوف بمنامي واموت من البواچي
تسولف وي جسد اعله خيمه ادور ادور عن تراچي
ليش وكامت اتحشم بالاجساد
وراوتهم اثر چويات ورماد
ييوسف هم دليلي من الحلم زاد
وانته تفسر الاحلام معتاد
ماشفنه حتى برسم...حرمه تلوذ بجسم
لزمت اصبعه وبچت...لن الصبع منثلم
حلمي ترى من الزغر...بعيوني دوم ويمر
احچيلي عن رؤيتي...لتخلي گلبي يهم
انشدك عن گمر اشوفه ودليلي يدگ دگه سريعه
الكمر وسط السما ييوسف مكانه فلا فوگ الشريعه
ليش اويه الگمر مو نجم موجود
جيران الگمر شو صارن زنود
ترى بعيد الگمر ماتوصله حدود
شعجب هذا الگمر ويلوحه عامود
راس الگمر منجسم...بس بي ملامح عزم
خلص ضواها الشمس...ومن نوره نزلت تلم
حلمي ترى من الزغر...بعيوني دوم ويمر
احچيلي عن رؤيتي...لتخلي گلبي يهم
خلص كل الحلم ييوسف بقالي سؤال بهالنهاية
شنو معنى الحبل وديوان وشماته وآيه بحبل آيه
انشدك يانبي يمفسر الاحلام
شو دوم الجفن من يغفه وينام
اسمع صوت ينعى بحرگه وآلام
يگول الشام أ ياطبت الشـــــــام
وشفت العمر ينختم...وعيوني بس عالنجم
ام البنين انعرف...مايبقى عندي اسم
حلمي ترى من الصغر...بعيوني دوم ويمر
احچيلي عن رؤيتي...لتخلي گلبي يهم
