[ موشح للعقيله (ع) ]
ظام زینب يا علي ما ظامها...ماتكر وتهيج يا ضرغامها
ياسهم لمصاب حيدر خطاك...ما نصاك اوما نفخ سمّه ابحشاك
لا ولاچنّك يمخذوم الاملاك...المصايب بيك كل اسهامها
ساعد الله احشاك ياعود الحسن...هدف للطبرات معرض للطعن
لون ياحيدر تداهنها لون...سلّمت بيدَك الدنيه ازمامها
لاچن اتكرّمت ياحامي الحمه...عن غوايتهم اوشر المظلمه
ما على الهلال السمه اعليك الومه...والا هلّه ابنورك الرب سامها
من عظم شانك المامثله وجد...عاينوك الناس بعيون الحسد
ابرقت وارعدت ومحال الرعد...ایزیل بعض اطوادكم ورخامها
اوصابكم ما صابكم من الدهر...قهر ما مثله يبو الحمله قهر
اوما غمض منكم على اوساده بصر...بالمنايه اوصاب گلبه اسقامها
لاچن المعبود يصحاب العبه...من عليكم بالشهاده الطيّبه
غبتوا لاچن جودكم ما غيّبه...بدر بليال اوشمس بيّامها
لاچن مصابٍ فلا يتحمّله...صدرك الواسع يغوث المشكله
عگب چتل احسينك اوذبحت هله...اوفاض عالغبره يحيدر هامها
وهوه ياكرّار ياحامي الدخيل...على ابناتك ياعلي هجمت الخيل
چم اغرير ابغرّته طلعت اسهيل...طير يتبرغث اوحدر اجدامها
اوچم طفل يخجل ابوجناته الصباح...امن اهل خير العمل حي اعله الفلاح
اوشجّرت بيه الطواغيت الرماح...اوطوّگت جيده الكفر بسهامها
اوچم يتيمه بالتراب اتغبّرت...تعدي خلف امها اومهجتها افغرت
وامها من الخوف بيها ما درت...وين ما تنوي العده جدّامها
تدري ببناتك يحيدر يضرغام...هيّمتها الخيل بالبر والهيام
انسور چن الگوم وبناتك حمام...يو اذياب احتوشت اعله اريامها
اوچم وچم ایتیم بسدور الرمك...طحنته الخيل ابحوافرها اوهلك
والّذي گطع يحيدر مهجتك...سلب اعاييلك اوحرگ اخيامها
