[ موشح لاصحاب الحسين (ع) ]
لفه احسين الصحبته ایناديها...لگه الكل صرعه اونفس مابيها
يندب اصحابه الحسين اهل الشيم...يبچي اودمعه على الوجنه انسجم
كلكم اگضيتوا ولا عندي زلم...بعد بس امنیّتي اشتانيها
اتشمّتت بيّه العده اوكل الاجناب...وحدي ظلّيت انتو نومه اعله التراب
من مصايبكم يخوتي الگلب ذاب...ما سده ابأوّل ولا تاليها
اوصاح يصحابي اشبيدي اعله القدر...چان الي عبّاس أخو احزام الظهر
غدرته منّي الكفر دون النهر...اوگطعوا اچفوفه اووگع حامِيها
ما دريتوا اشكثر صار اعليّه هم...والحرم تبچي اوتصرخ بالخيم
العَطش يحسين وين اهل الشيم...گضوا گال ابكربله اوواديها
گال يا زينب اچفليلي الاعيال...اظن دمع اعيونها اعله الوجن سال
نادته الكبار تسكت والاطفال...اشلون تسكت والعطش چاويها
هظمته لحسين حين النادته...فاجد انصاره اوفاجد اخوته
ويل گلبي والكفر من حاطته...چالغنم وابن الرجس راعيها
نزل لجموع العده اوناده الكفر...اوگال لتگولن ماخذكم غدر
والعده من شافته گامت تفر...اوگام ابن سعد الرجس يوزيها
