هالله هالله يا شباب...حسين نايم عالتراب
♦️♦️♦️♦️♦️
خلصت الغيرة و صفت بالغيرة أزمة...يا شباب الغانمه سمعوني كلمة
ها يجاسم ها علي گعدوا يعمه...لحگوا ابوكم صار تحت الخيل جسمه
بعد شيفيد العتاب...حسين نايم عالتراب
♦️♦️♦️♦️♦️
دارت اعله حسين يا عمه الدوائر...باقي وحده اعله الترب محتاج ناصر
گعدوا كون حسين عدكم اله خاطر...راد فزعة تشيل عن صدره حافر
جم سؤال ابلا جواب...حسين نايم عالتراب
♦️♦️♦️♦️♦️
مو وكت هالنومه يأولاد الأماجد...و الولد مذخور ادري للشدايد
جبت ثوبه وياي حتى يصير شاهد...و احنه جم حسين هو عدنه واحد
هذا مو وكت الغياب...حسين نايم عالتراب
♦️♦️♦️♦️♦️
عمه جاسم أمسه عرسك هالمسيه...ضاگت اعله حسين گاع الغاضرية
گوم خاف تشوفه بت عمك رقية...تموت من هسه و توافيها المنيه
وزعت مدمع ثواب...حسين نايم عالتراب
♦️♦️♦️♦️♦️
عمه جاسم اقعد و بس افتح العين...يا عرس عوف العرس و اتلاحق حسين
قلت لأمك ذاكه خويه بالميادين...صفگت و گالت حسافة جاسمي وين
بيدي ودت لك خطاب...حسين نايم عالتراب
♦️♦️♦️♦️♦️
يا علي الاكبر دخيلك مو وكت نوم...مو طلب منك يعمه لازم تقوم
لو گمت ما اعتقد نتلاحگه اليوم...السلب خاتم لا تعوفه مسلب هدوم
زحمة مسلوب الثياب...حسين نايم عالتراب
♦️♦️♦️♦️♦️
شرد اگلكم ما اگلكم رايحه ارجع...ما سمعت جواب منكم ماكو مفزع
من يجيني الليل يم حسين اطلع...عمه عذروني بجثثكم خاف اوقع
تيهت من المصاب...حسين نايم عالتراب
♦️♦️♦️♦️♦️