يا طير إخذ دمعة كلام...بعد التحيه والسلام
مشتاگه أبويه يا حسين
إخذ من خدي دمعه اتموج واتلالي...يا طير اليمام الحضرة الوالي
قله البيت بعدك يوحش وخالي...مو بس المرض هجرك أخذ بالي
احمل عله جناحك جروح...دونك يبويه وين أروح
مشتاگه أبويه يا حسين
أريد اتقله كلمه وهاجر اديارك...اشلونك يا حبيبي الغالي شخبارك
يبويه بفرگتك ويامن أتشارك...بس أم البنين وحايره بنارك
ليل ونهار أبجي عليك...محتاجه حنيت إديك
مشتاگه أبويه يا حسين
غابت عني كل اسوالفه الترفه...بقت بس ذكرياتي بوستي الجفه
لأول مره أشوفه يعوفني خلفه...جرح فقد الأبو يا طير ما يشفه
صرت بسبب هاي الظروف...وسط النهار وما أشوف
مشتاگه أبويه يا حسين
يسامرني بدلاله وعطفه من زغري...أشم صدره إذا مره اختنگ صدري
إجتني كربلاء امنين ما أدري...البيت اوياه جنه هسه لا قبري
محسوده يا طير البنات...بحضن الابو لمن تبات
مشتاگه أبويه يا حسين
