علي علي...لا تخليني
علي علي...يا نظر عيني
علي علي...الفرگه تاذيني

يمه يا دمعه برحيلك عيني تجريها...ليله ما تحمل يالأكبر من تخليها
قصة افراگك يغالي ادموعي ترويها...روحي يالاكبر رحيلك والله يآذيها
علي علي...كثرن اجروحي
علي علي...هاك إخذ روحي
علي علي...زهرة اسنيني
 
بوجهك ارسوم النبي يا يمه مرسومه...چن رسول الله الذي متعني للحومه
إي وحگ روحك يالأكبر روحي مالومه...رايح الموتك أحس تهنالك النومه
علي علي...أرباي أريدنه
علي علي...ثقلت الونه
علي علي...يمه حاجيني
 
يبني يالأكبر فراغك بيش أسدنه...گلبي بدموع النواظر صرت أصبرنه
رايد الموتك يلكبر هسه تتعنه...عمري كله رايح يبني أشوفنه
علي علي...صبري ما ينفع
علي علي...بالله امودع
علي علي...تسمع اونيني
 
أنت يا أول فته من هاشم اتقدم...كل فخر يا يمه أقدمك والگلب مهتم
يبني وبيا حال أشوفك دامي وامخذم...گبلك اتمنيت أموت ولا أعيش بهم
علي علي...بيا گلب أنظر
علي علي...جسمك و أصبر
علي علي...دمعي يعميني
 
رايح الحتفك يالأكبر ظني خيبته...شوفي كل لحظه اعله شوفك يمه عودته
آني أول هاشمية اوليدي جدمته...انت عطشان وتحارب گلبي عذبته
علي علي...يا أعز ناسي
علي علي...تجرح إحساسي
علي علي...لا تبجيني
 
يمه چن هاي الظهيره تاخذك مني...والمصايب يمه چنهن هسه رادني
امنين اجتني الغاضرية هيجت حزني...بعدك اشچم غالي يبني يبتعد عني
علي علي...فرگتك حيره
علي علي...شمعة الديره
علي علي...الفرگه تاذيني