أمك يجاسم بالدمع طفيت الشموع...والحنه دمك و الشهادة عرس الدموع

يا تعب عمري وسهر ذيچ الليالي...ذكرياتك صور مرسومه اعله بالي
غالي انت وعمك المظلوم غالي...بكربله جازيت تعبي وكل دلالي
يالبيضت وجهي رغما گلبي مگطوع...والحنه دمك و الشهادة عرس الدموع
 
اسنين واعيوني عليك وگلبي صابر...تكبر إگبالي واشوفك گمر زاهر
يالترست الروح آمال ومشاعر...صورتك بدموعك رسمت هالنواظر
حته النبض صار بغيابك يبني موجوع...والحنه دمك و الشهادة عرس الدموع
 
من رسم دهري تجاعيد اعله خدي...چنت أشد الحيل بيك وانت عندي
لكن اوداعن غلاتك ذاب چبدي...بيك وصاني الحسن وادموعي ردي
گلي يرمله بيوم عاشر روحچ اتلوع...والحنه دمك و الشهادة عرس الدموع
 
كربله والموعد بعاشر محرم...من نهاري ايصير يشبه ليل الظلم
انطيتك وصية ابوك ودمعي هل دم...اتوجهت لحسين قلت له ارخصني يا عم
شاف الوصية وشفته ناح وگلبه مفجوع...والحنه دمك و الشهادة عرس الدموع
 
آني بالخيمه وعله الميدان أباوع...دهري كل لحظه ابخبر مشؤوم راجع
من طلعت وجان گلبي اوياك طالع... وانقبض چَنّه خبر مو زين سامع
ثق گلبي ما تجيني وترجع ارجوع...والحنه دمك و الشهادة عرس الدموع
 
يبني معذوره الدمع لجلك أهلّه...صعبه ترجع لي وذر لتظنها سهله
بخيمتي ويمي الحرم يا نوح أملّه...گمنه نتناوب نون ثقله اوبه ثفله
لا ما خفه يمك نحيبي ووني مسموع...والحنه دمك و الشهادة عرس الدموع
 
كربله اشعافت مصايب تاخذ الروح...حسين عمك بعدك شفته مذبوح
نطفي يا نار ابدمع من نار مسفوح...نار تلهب بالخيم لو نار الجروح
حته البچي بدرب السبي يبني ممنوع...والحنه دمك و الشهادة عرس الدموع