وين أنت و لا شفتك شفت بس العذر يجوي
و لا جنك هذاك الجان يجاوب قبل لا أنوي
جنت لو غمضت عيني أشوفك كل كتر تضوي
وين أنت يصل الصل...لا بدر يشع لا ظل
دسولف سكتتك تقتل
سولف لي حته أفرش لك روحي...لا تسكت يا ملح اجروحي
أخلي إذني عله اشفافك بلكي باقية احجايه
سكوتك مثل سوط اعداك من يلزق بمقفايه
جبت لك دمعه من سكنه و جمرة خيم ويايه
يكافل نوخوها البل...علينه الحادي مستعجل
بجيت و شامتي يهلهل
ضحكو من شافو طولي...ها يخت الكافل قالوا لي
وينك يا جبير الفي يا فص الذهب بالعوز
ساكت مستحه مني لو كاره قعدتي ايجوز
إذا تسألني عن حسين راسه من القفه محزوز
دخلها يا قمر سكته...قلت مو قوه من شفته
اموذر عالأرض عفته
يالكافل ببن أمي اشصاير...و بصدره الحافر يم حافر
اجفوفك من شلتهن ليش لحظه و يوقعن مني
لازم شافن ادموعي من الشمر شتّمني
أنا و اسكينه و رقيه أحاميهن و يحمّني
الما عدها زلم تفزع...تظل تسكت وتتقبع
يخي سوط الشمر يلسع
و الأصعب حط عينه ابعيني...يعرف يا جلمه تأذيني
***
(أبيات أبوذية)
اشتقول العلمنيه نوخوها...يعباس الهزايل نوخوها
المثلي اشلون تنطق نوخوها...وقع جلدي و عباتي املزمه بيه
إفتري يا سفن همي وجدماي...إجيتك جيت الضامي وجدماي
لون تقعد أدق طولي وجدماي...لحد ما يطلع السباح بيه
أشوفن مهر بن جوشن تره الشام...و أعرفك حرق خيمتنه تره الشام
أشد من وقعتي يمك تره الشام...سرور ايزيد من أدخل سبيه
يكافل دمعة اعتابي تراجيت...و لا تنسه اشكثر يمك تراجيت
أذكرك يوم نتلاقه تراجيت...أخاف اتقول ما مرت عليه
