إعله الهزل...يابوفاضل رچبوا زينب هضيمه
وبالحبل...امچتفه ابولية زلم ماعدها شيمه
الناگه هزله ومن مشت... اضلوعي منها اتعورت
إعله الهزل....إعله الهزل
اعله الهزل ياخويه يوم الركبوني
بالسياط وبالشتايم صعدوني
بحچي الما ينحچي اگبالك سمعوني
وبشماته اعليك گاموا يسألوني
وين اخوچ... من يگلولي انهضم واصفچ بديه
إبن ابوچ... البي زمطتي وگلتي ما روحن سبيه
اسياطهم بيه گصت .. اضلوعي منها اتعورت
اعله الهزل....اعله الهزل
__________________________________

ارد انشدك يابوفاضل نشده عنهم
خويه يوم الشتمـو هم اسمعتهم
گلبك اشگلك على الي سمعته منهم
يوم گالو بالحبل چتفنه اختهم
شنهي گال... گلبك بهذا الكلام إلي سمعته
بالحبال... من إسمعتهم حشمو چتفنه إخته
گال هاي من انحچت .. اضلوعي منها اتعورت
اعله الهزل....اعله الهزل
__________________________________

هينه طگاتي وعليّ كلفة الشتايم
العفه چتفوها ابحبل هاي الهضايم
سهله خل اتطيح بالطف العمايم
بس كلف فوگ العبي خلو علايم
كلفه هاي... فوگ كل امخدره خلو علامه
ومن وراي... گامو إيسطرون بخدود اليتامه
الناگه بيچ امن احدرت .. اضلوعي منها اتعورت
اعله الهزل....اعله الهزل
__________________________________

خويه عمداً نوگ مروهن عليه
حته اشوف امچتفات إنتي ورقيه
من سمعتچ صحتي راح امشي سبيه
استحيت وراسي ضميته بإديه
من الخجل... راسي ضميته بإيدي عن لا اشوفچ
وانذهل... فكري من شفت الحبل رابط اجفوفچ
اختي من اتچتفت .. اضلوعي منها اتعورت
اعله الهزل....اعله الهزل
__________________________________

خويه گلبي اتگطع تگطع عليچن
من اجيتن يمي واسمعچن بچيتن
من اجيتني وشفت عالراس إديچن
ارد انشدچ ليش كضيتن عبيچن
اتگلي خاف... ننضرب ياخويه وأتطيح العبايه
وعالچتاف... السوط علموه واحنه ماعدنا حمايه
وگـلها سكنه من اعتبت ..اضلوعي منها اتعورت
اعله الهزل....اعله الهزل
__________________________________

سكنه يوم العاتبت زيدتلي همي
من بچت واسمعها گالت وينه عمي
صحت صيحة ابخجل عمي أدني يمي
وشوفي چم سيف ورمح نابت ابجسمي
والخيول... شوفي شمسويه أبصدر عمچ يسكنه
شنهي أگول... من تصيح امخدره وين الكفلنه
الخيل فوگي امن اسحگت .. اضلوعي منها اتعورت
اعله الهزل....اعله الهزل
__________________________________

عمي بس نظرة عتب متحملتها
چا شيحصلك لون طگتي شفتها
وآخ من شتمونه والشتمه اسمعتها
الأخت من المستحه لاذت بإختها
وجرها حيل... الشمر إيدي وصحت عمي الحگ النه
الدنيه ليل... صارت وكلهم على التربان أهلنه
ابصدري عبرة اتكسرت .. اضلوعي منها اتعورت
اعله الهزل....اعله الهزل

__________________________________