آنا العليل المسبي للشام
 
بين السبايه ودمعي مسفوح...اسياط وسلاسل تاخذ الروح
و إگبالي راس حسين مذبوح...هاضمني عمتي اشلون تنضام

ابلا حيل أمشي وتدمع العين...والدم أشوفه بشيبة حسين
ظليت بين الشامت وبين...حسره ودموع وغربه وآلام

القاهرني زينب تمشي واتطيح...صارت مثل سعفه بمهب ريح
عباس أخويه ظلت اتصيح...إلحگني صرت ابين ظلام

مثل النبل نظرات العيون...شمات لو طحنه يضحكون
طول الدرب بينه يشتمون...والسوط يرعب قلب الأيتام

ويلي اعله زينب تلطم الراس...كاسر ظهرها افراگ عباس
هاي أخت أخوها قالت الناس...صارت سبية والله أيام

ما هاد جفني و لا نمت ليل...ثقل السلاسل ماخذ الحيل
اصياح الشمر وامصاهل الخيل...ترعب دليلي الرايد اينام
 
بعيوني ظل حسين مرسوم...گلبي اعله زينب عمتي ملچوم
أذكرها يم المشرعه اتحوم...صاحت گمرها وإلها ما قام

ياريت عمي الگمر موجود...وايشوف عمتي ودمع الخدود
شاجر گلبها وحيل ممرود...كبّرها درب الشام چم عام