كربلاء كربلاء...يرتفع هذا النداء
كل جرح يلتئم بس جراحج ما تهيد...للأبد تجري دم كل سنه الحسره تزيد
كربله والعجب بيج ما حل الوعيد...ظل ابن فاطمه نايم ابحر الصعيد
بالعراء بالعراء...ظل ثلاثه بالعراء
كربله والعقل حقه يبقه منذهل...امصايبج بالفكر جنها نار وتشتغل
تربتج ما كفه بس رجال التنقتل...بالسهم ينرمي ياوسف منحر طفل
للسماء للسماء...رمه دمه للسماء
كربله والقمر من طلع من خيمته...للعذب مو حرب راح يترس جربته
بس وسف هالعده بالظهر من غدرته...بتّرت يمنته واقطعت له يسرته
واللواء واللواء...وانطبر راعي اللواء
يا وسف كربله من وقع حامي الخدر...جيش إجه باللهب هالمخيم يستعر
مو عجب هالنسه بليل وحشه تنذعر...من بعد بو الفضل صارت بإيد الشمر
أدعياء أدعياء...الحرم بإيد الأدعياء
حاشه ما تنخمد هالمآسي والأنين...باقية كربله وما تموتها السنين
تندعي كل عزاء وبيقين المؤمنين...يظهر المنتظر ياخذ بثار الحسين
هالعزاء هالعزاء...صاحب هالعزاء
