لاني قادر أنساك...لاني ميّت اوياك
سهر ليل بالجفون...دمع نار بالعيون
لاني قادر أنساك
 
شنسه منك وأنت أول عشق مسموح...آنا اول قلب عاشق بيك مجروح
ألف و أربعمية عام و هامت الروح...اشلون إذا أشوفك حبيبي إقبالي مذبوح
قلبي هذا يحسين...يرفض يهوه مرتين
ولا عاش بالظنون...دمع نار بالعيون
لاني قادر أنساك
 
نور أبوك ونور امك بيك يحسين...يعني جامع بيك ربك نور شمسين
أنت يالكعبة وجودك من هالثنين...كل صلاه يعني ابضريحك عن صلاتين
أول وآخر إنسان...نحرك يقره قرآن
والأملاك يشهدون...دمع نار بالعيون
لاني قادر أنساك
 
انت سر جدك محمد بيك مكنون...يعني بعد اسم الجلالة اسمك ايكون
عني مجنون بمحبتك خل يقولون...ما دروا مكتمل عقله البيك مجنون
عمري بعده ساعات...رتل حبك آيات
عشق خاص يعرفون
 
أعطش و أنظر الوجهك چنك اوياي...والخجل ياخذني منك و أترك الماي
كون قد اسنيني كلها ازيارتك هاي...حته كل أيام عمري أقضيها مشاي
عنها تمشي زوار...ربك حرّم النار
ولا يوم يخسرون...دمع نار بالعيون
لاني قادر أنساك
 
شيعتك يوم أربعينك رفعت الراس...تشرب امن ايد الزجية الماي بالكاس
وأبد ماچن بالمواكب تاكل الناس...كلت من مائدة مريم بيد عباس
خدمه عنها مشهود...كلشي بيها موجود
سلاطين يخدمون...دمع نار بالعيون
لاني قادر أنساك
 
زار عرش الله اليزورك هذا معلوم...وبختم نور النبوه وجهه مختوم
وبوسم يوم أربعينك دمه موسوم...وبأمر فاطم جهنم منها مفطوم
فاطم تحضر اوياه...اسمه يمها تلقاه
سجل بيه اليزورون...دمع نار بالعيون
لاني قادر أنساك
 
من أزورك چنّي أذكرك بالجره وصار...يا خيم واثياب بالطف حرقت النار
ويا احبال ابجف رقية تركت آثار...وأذكر ادموع العليله بوحشة الدار
وأذكر حرق الخيام...وأنظر دمع الأيتام
وأثر سوط بالمتون...دمع نار بالعيون
لاني قادر أنساك
 
ويه مهدي العصر باجر عينك اتشوف...تاخذ بثار المناحر لجلك اسيوف
ثار صرخات السبايه بيوم الطفوف...وثار عبدالله الرضيع وثار الجفوف
نرجع نفتح اكتاب...مصدر حرقت الباب
منو الجان يحرقون...دمع نار بالعيون
لاني قادر أنساك