ما تموت الغاضرية...و القيادة زينبية
أخذت الراية العقيلة من القمر...اتوجهت للشام ما همها الخطر
ابخدر زينب عسكر الشام اندحر...دم أخوها حسين عالسيف انتصر
تنتصر هاي القضية...و القيادة زينبية
عاهدت راعي المراجل والشيم...اتقله يا عباس ميطيح العلم
بعده هيه اتصير حارس عالحرم...فهّمت بنت الصميده الما فهم
منها ترجف آل أمية...و القيادة زينبية
مو مره يا ناس زينب مو مره...تمشي قدام وعساكرهم وره
البيها صد ايشوف سبع القنطره...والشمر مذلول يمها ابعسكره
يا هو ماخذها سبية...و القيادة زينبية
اتكفلت بعد القمر بالقافله...هيه حارس صارت اعله العايله
من تسولف يعني صارت زلزله...ثورة الحره امتداد الكربله
تشهد اسكينه ورقية...و القيادة زينبية
ما تذل ما تنكسر بنت النبي...بالمواقف تشبه حسين الأبي
لبوة الخدر أبد ما تنسبي...ترجف اسياط الشمر من العبي
يا رياحين الزجية...و القيادة زينبية
هيه والسجاد للعيلة الدرع...زينب الثورة بنتها من الدمع
باب حكم ايزيد لازم ينقلع...إلا بجفوف العقيلة ينشلع
منه ما تبقى بقية...و القيادة زينبية
صاحت ابقصره تره أيامك عدد...يا يزيد ابكل وكت رايك فند
احنه عالحق من نموت ابمعتقد...الموت عدنه ايصير أحله من الشهد
الشهادة إلنه هوية...و القيادة زينبية
