بـذو لـفـقـارك يـاعـلـي :: تـحـمـي جـارك  يـاعـلي شـيـعـة  حسين  الغريب بكربلا :: بساحة الموت اصبحوا انصار  اله ضـحـوا الاعـمـار يـاعقد الولى :: وهذي من شيعتك اول  قافلة بـانـتـظـارك يـاعـلـي :: تـحـمـي جـارك  يـاعـلـي بـذولـفـقـارك  يـاعـلـي :: تـحـمـي جـارك  يـاعـلي هـذي اول صـفوة ضحوا بالطفوف :: منها وتفتحت ابواب  الحتوف ريت حاضر ياعلي بعينك تشوف :: جسومهم صارت مساجد للسيوف وبــجــوارك يـاعـلـي :: تـحـمـي جـارك يـاعـلـي بـذولـفـقـارك  يـاعـلـي :: تـحـمـي جـارك  يـاعـلي مـن  بعد  انصار ابو اليمة الغريب :: علي الاكبر طاح مذبوح  وسليب وجـاسم بدم النحر چفه خضيب :: وگمر هاشم عالنهر جسمه  تريب وبــذيـمـارك يـاعـلـي :: تـحـمـي جـارك يـاعـلـي بـذولـفـقـارك  يـاعـلـي :: تـحـمـي جـارك  يـاعـلي وظـل ابـو السجاد وحده بلا حماة :: انگطع راسه وانرفع فوق  القناة وشـيـعـته توارثت منه هالصفات :: روسنا تگطعت بسيوف  الطغاة وبــمــزارك يــاعـلـي :: تـحـمـي جـارك يـاعـلـي بـذولـفـقـارك  يـاعـلـي :: تـحـمـي جـارك  يـاعـلي عـشـنـا  فـترة  ظلم ماالها نظير :: بين مجرم بين مجرم ارهابي  واجير شـلـون زمـرة لا ديانة ولا ضمير :: واللي يذبح عشرة يتسمى امير بـكـل مـسـارك يـاعـلـي :: تـحـمـي جـارك يـاعـلي بـذولـفـقـارك  يـاعـلـي :: تـحـمـي جـارك  يـاعـلي يـاعـلـي  ديـنك الاسلام السمح :: ودينهم تفجير وارهاب  وذبح هـالـمـثـل مـعروف النا ومتضح :: نطفة المشبوهة لاتظن  تنصلح وبــوقــارك يـاعـلـي :: تـحـمـي جـارك  يـاعـلـي بـذولـفـقـارك  يـاعـلـي :: تـحـمـي جـارك  يـاعـلي انـتـه ديـنك ياعلي دين الثواب :: ودينهم دين السلب  والاغتصاب بـشـر  ظـاهـرهم وبالباطن ذئاب :: بفتوة التكفير حرفوا  بالكتاب وبــشـعـارك يـاعـلـي :: تـحـمـي جـارك يـاعـلـي بـذولـفـقـارك  يـاعـلـي :: تـحـمـي جـارك  يـاعـلي فـاجـعـة  جـسـر الائمة وهالجسر :: يشهد عليهم باعمال  الغدر بـعـد  مـاالـنـا عـذر بـيه نعتذر :: ياعلي بزودك عليهم ننتصر بـانـتـصـارك يـاعـلـي :: تـحـمـي جـارك يـاعـلـي بـذولـفـقـارك  يـاعـلـي :: تـحـمـي جـارك  يـاعـلي بـيـك نـتمسك يبن عم الرسول :: ولا بد لهذا الوضع نوجد  حلول هـانـت ولا بد تفض والكل تگول :: ياعراق الخير خل صبرك  يطول بـاخـتـيـارك يـاعـلـي :: تـحـمـي جـارك  يـاعـلـي بـذولـفـقـارك  يـاعـلـي :: تـحـمـي جـارك  يـاعـلي