ذكرياتي بالطفوف...يا بو فاضل
رمح لو راية أشوف يا بو فاضل
أذكر الأيام و العِشرة الطويله...أقعد أحسب ذكرياتك ليله ليله
مالي غيرك يا بو فاضل أشتكيله...والله دنية الخلتك تنسه العقيله
كلشي لعيونك يهون...يا بو فاضل
حته لو تعمه العيون...يا بو فاضل
أمشي ويه راسك يبركان الحمية...وأسحق اجروح الزمن بالغاضرية
زينب أختك يا بو فاضل مو سبية...وبإسمها اتسمه تل الزينبية
زينب و كل الخوات...يا بو فاضل
عالرمل يمشن حفاة...يا بو فاضل
من تشوفك وردة ذبلانه ابغصنها...زينب أختك عالنياق ايطول ونها
هذا كله وباليسر تحرس ضعنها...راسك الفوق الرماح ايحامي عنها
أشلون أعيش ابلا هواك...يا بو فاضل
أنسه قلبي لو نساك...يا بو فاضل
اثنين واثمانين طفله اويه اليتامه...كلهم ايلوذون بجناح الحمامه
ليلي بعدك يا بوفاضل ما أنامه...بالحبال امجتفه اطيور السلامه
بالدرب نمشي ونطيح...يا بو فاضل
راسك اسم الله يصيح...يا بو فاضل
زينب وكل الخوات املوعيها...والمحامل تمشي واتعاين عليها
طفله من توقع رمح راسك يجيها...عدل ميت يا بوفاضل تحدي بيها
يمشي ويّانه العليل...يا بو فاضل
وانت بضعونك كفيل...يا بو فاضل
أمشي روح ابلا جسد يمك شفتني...من متت وياك بالطف موتتني
حيره بالطف يا بو فاضل حيرتني...أعثر و أنخاك والسوط اعله متني
ما يمر بعيوني خوف...يا بو فاضل
وآنا أشقف بالجفوف...يا بو فاضل
راسك اعله الرمح رتل آيه آية...من مشت وياك قافلة السباية
وين أروحن و آنا صبري ابلا نهاية...أمشي وي روس أخوتي الكلهم ضحاية
تدري قلب أختك حنين...يا بو فاضل
مثل قلب أم البنين...يا بو فاضل
