نعي
«نصاري»
مصاب الطفل
زينب تنعت لابن حيدر...مذعوره بالممشه إتّعثر
تبچي إو تصيح أللهُ أكبر...يحسين شوف الضمه إشأثّر
هـاك إخذ طفلك شوفه يفغر...من الضمه إو لونه تغيّر
معطوش دلاله إو تفطر...إو گلبي عله إمصابه تمرمر
يحسين وإنته إبحاله أبصر...إو گلب أُمه بيه العطش وجر
وعطب ثديها إو نشف الدر...وحسين أخذ طفله إو سدر
للحومه وإتوسط العسكر...ولن حرمله عالطفل ينطر
صابه إبسهم وإدماه فجر
* * *
رضيع إو ما يصح الماي بيده...ظامي الگلب والروح إبوريده
إو جمـر العطش للظامي يچيده...إو غير الماي سلوه ما تفيده
إو نبلة حرمله طوّگت جيده...رماه إو غطت إبنحره الحديده
وأُمه عن مصيبتها بعيده...يرد إلها الطفل سالم تريده
ساعه والمخيم ثگل ويده...الحال حسين والذبحة إوليده
* * *
