مر يصعب عليّه ألأمر مرهان...وجرعت إمن النوايب چـاس مرهان
شفت عالمشرعه العباس مرهان...إو شفت راية بني هاشم رميه
* * *
شباب الدين بدماها حناها...إو خله إگلوب ما يبطل حناها
إشلون إضلوع أبو اليمه حناها...عله الحامل الرايه الهاشميه
* * *
وحگ إچفوف أبو فاضل وعينه...إمصابه صاب دلالي وعينه
إشحال اليفگد الناصر وعينه...إو يظل ما بين شفرات المنيه
* * *
أنه زينب يگلبي إنحب ولي جود...ولي إعله الصبر ملكيه ولي جـود
ولي إعله المشرعه رايه ولي جود...تمزّگ وإنهدم بيتي عليه
* * *
گمر هاشم نشر بالطف علمها...وإله سطوات تتناعت علمها
إفنون الحرب من حيدر علمها...وتمرّن بالفراسه الحيدريه
* * *

أبا الفضل يا من أسس الفضل وألإبا...أبى الفضل إلا أن تكون له أبا

بحر يمناك للوفاد ما راد...وحگ سهم البعينك مضـه وما راد
عيّه الفضل يا بالفضل ما راد...إبه غيرك من اشراف البريه
* * *
عله إبيوت الخـدر والعز وعينه...إو حمه المطرود بحمانه وعينه
ويا إچفوف أبو فاضل وعينه...راح الخدر والعز والحميه
* * *
أخويه إلما يلم الدرع يسمه...ومثل عوده علي بالسيف يسمه
الشمر ما چان متني إبسوط يسمه...لون عباس متصيبه المنيه
* * *
يجيدومة بني هاشم بيدها...گوات إختك تره مصابك بيدها
ومن إسياط العـده تشگف بيدها...نحامي أطفال أخوك من آل أميه
* * *
أخوچ إلما يچن غوجي ولاعن...ضلوعي النخوتچ حنن ولاعن
لا يمنه ولا يسره ولاعن...بگت عندي وصعب عتبچ عليه
* * *