ألله يا هاشم أين الحما
«نصاري مذيل»
وين أهل الشيم وين...لخدور الفواطم
لحـد يالهواشم وصلت الخيل...لخدور الفواطم
* * *
وين النوّرو هاي الدواوين...بنوار الرساله
وين الحدِّدو هاي الصواوين...بسيوف العداله
وين الحجّبو هاي الخواتين...بحجاب الجلاله
وين النسجو أستار...ببنود المچارم
وين العقدو الرايـات إكليل...بخدور الفواطم
* * *
وين إلي ذخرهم حامي الجار...لرض الغاضريه
ولخـدور الفواطم ضربو أستار...منسوج إبحميه
النار النار أذت يا هلي النار...عز الفاطميه
وين اليدْبـَت الكون...بشفار الصوارم
وين الچانو يجيمون تهليل...لخدور الفواطم
* * *
طلعت من خدرها وتهمل العين...والونه ثجيله
وصدت للشريعه القائد الدين...وتصيح العقيله
وين الكفل زينب من الحسين...والخدري چفيله
وين الگال عيناچ...من دون الهواشم
وين الحارس إلما يغمض بليل...لخدور الواطم
* * *
وين الطلع بينه إمن المدينه...وين الشد محامل
طاحت رايته وطاحت يمينه...وظلينه أرامل
وعيني إنفجرت إبسهم البعينه...وظل الدمع هـامل
راح اليرسم الجود...بشباح المغانم
راح الفصّل ألإحسان تفصيل...لخدور الفواطم
* * *
راح الچان بيه إتنام العيون...مأمونه بذرى الزود
راح إلچان بيه النايبه إتهون...وما تنداس الحدود
راح وصـارت البت فاطمه إمتون...من ضرب العصي سود
راح البالوفه إيدير...أفلاك العوالم
راح الرتل ألآيات ترتيل...لخدور الفواطم
* * *
راح الدبّت إبجسمه الغيره...من طاهر حليبه
راح وظلت إعياله يسيره...ومفجوعـه وغريبه
لا ظل ولي ولا ظلت عشيره...ألله إشمصيبه
وين الفرشو الميد...بگلوب الضياغم
وين الشحنو الطف بمچاتيل...لخدور الفواطم
* * *
وين الجاهدو جادو بالنفوس...والبذلو هممهم
وين السامو بسوگ الشرف روس...وإتفادو علمهم
وين الحفظو إلهالحرم ناموس...من شدة شيمهم
وين ألأدو إحگوگ...دينيه ومراسم
وبالـدم سجلو عالشرف تحويل...لخدور الفواطم
* * *
