ألله يا بطل العلقمي
«هجري»
من سـگط منك علمنه...أومن طحت عالمشرعه
والچفوف امگطعه
الخيـل اجتنه...اوفرهدتنه
يا چفيل العائله
* * *
چني ابزينب غريبه او حايره بأمر الحرم
لاحمه اليحمي حماها اولا چفيل اولا خيم
إو صدت إلشاطي إلفرات إتنادي يا راعي العلم
يارجانه...وإبلوانه
وابحمانه...من تعهد والتزم
اومن تـوزم بالضعينه او ناشر ابچفه اللوه...او ما يمر بينه الهوه
گلبي مستر...يبن حيدر
وابحماك امدلـله
* * *
ماني اختك وآنه زينب يالحديت ابناگتي
أوگتلك ابشيمة الخوه وانته گتلي ابشيمتي
ما تعز اعليچ روحي اودونچ أبذل مهجتي
والزم الحـد...بالمهند
الله يشهد...حافظتلي عزتي
ياحمه احدود الفواطم والأمان امن الخطر...يامن الهاشم گمر
دللتنه...اوخدرّتنه
اونزلتنه ابكربله
* * *
وانصبت صيوان خدر إختك على هام الفلك
والوفه ثوب او تفصل يبن أبويه بس إلك
اوما ملك بالكون ماجد مثل ما شخصك ملك
نور علمك...نار عزمك
او روح جسمك...نور قدسية ملك
سالمت يد الكرامه اوبالمچارم منفرد...والمغانم والمجد
اوبالحماسه...اوبالفراسه
زود أبوك اتمثله
* * *
چانت أيامي مزهره ابنورك الماله مثل
اوبيك وابهمة عمامك چان منطور النزل
والفلك طرني يخويه اورحتو من ايدي چتل
زاد وني...اوثگل حنى
رحتـو مني...ياهلي حتى الطفل
واصبحت حرمه اوغريبه ابكربلا وامحيره...والعيال اميسره
روحي تفغر...گلبي يسعر
والمدامع هامله
* * *
چني ابزينب تنادي ابعبره والمدمع يسيل
يعباس الخدر راح او للحرم ما ظل چفيل
دسمع امعاتب إعيالك واسمع الحن والعويل
هالله هالله...اشلون خله
العطش خلـه...النار تسعر بالدليل
اونار المخيم مسعره اوچملت نار الظمه...والودايع فاطمه
يسروها...او گيدوها
والعليل ايسلسله
* * *
چني اسمع صوت مخفي ظهر من كتر الشريعه
سهم البعيني ضهدني يختي واچفوفي گطيعه
وانگضه حگ العليه اوتعذريني يالوديعه
بيش أجاهد...الله شاهد
مالي ساعد...ضعتي يختي اشلون ضيعه
لون عندي شوف چان اوساعد السيفي يزم...چنت اراويچ العزم
ما تجيني...اتشاهديني
اشلون جثتي امثله
* * *
چني ابزينب فجعها صوت أخوها وإنكسر
ظهر زينب مثل كسرة ظهر محزوز النحر
يعباس اشلون عمله عمل ويانه الدهر
خان بينه...وانولينه
وانسبينه...اوصار بينه الما صدر
غابت ابدور السعاده والبيوت اتهدمت...والأمور اتغيرت
گلبي عطب...وآنه زينب
والصبر اتحمله
* * *
