طلعت زينب اوطلعت العيله...ركبت والظعن طوّح دليله
لن خلف الضعن صوت العليله...يحادي الضعن بالله الحالي ارحم

يحادي الضعن وياكم اخذوني...عگبكم يا هلي يعمن اعيوني
وحدي ابها الوطن لا تخلوني...عليله والجسم ينلظم بالسم

ناداها الحسين اودمعته اتسيل...يبعد أهلي سفرنه دربه اطويل
يبويه انتي عليله اوجسمج انحيل...وعله المثلج يبويه السفر يحرم

يبويه ردي اوتمي ابها الدار...اوكل يوم اليمر نبعثلج أخبار
يبويه اولو شفت لينه الفلك دار...تجين انتي او شملنه اهناك يلتم

تگله اشلون أتم بالدار وحدي...عليكم مگدر أصبر وحگ جدي
يبويه عاد خلي الطفل عندي...يسر گلبي امنشوفه ايتبسم

يبويه اعله البعد ماليش طاگه...و أخوي الطفل مگدر عله افراگه
اموتن و أحتيي ابشمة أطوا گه...اويهون أفرا گكم وياي لو تم

يگلها الطفل عندج جيف أخليه...اشلون اتفارگه امه اوتصبر اعليه
يبويه حرمله الخيِّج يتانيه...يريد ايطوگه ابسهم المحتم