لفوا لحسين نادوه الظعن تم...گوم ارشد ابنيتك يا مشيم

رفع راسه اونده يا واسع الباس...روح ابساع طلّع اختك يعباس
خل نظعن گبل ما تسمع الناس...اوعلينه يبن أبويه الخلگ تلتم

گصد عباس لخته اوطب عليها...جذب سيفه اووگف ما بين اديها
شالت راسها اوشافت وليها...سلَّم وبوجه زينب تبسم

صاحت يا هله ابجيتك يعباس...يراعي الزود يا جاسب النوماس
اشعندك بالدرع معلم اوبالطاس...وأشوفنَّك ابجيتك هاي مهتم

جاوبها اوعليها شبح عينه...نريد السفر يختي امن المدينه
أخونه أهل العراق امكاتبينه...اوليهم بالسفر هاليوم عزَّم

صاحت يا ضوه اعيوني اودليلي...يبو فاضل يخويه اگعد احجيلي
يا هو من أطلع اوياكم كفيلي...اويباري محملي اوبيه ايتوزم

دگ ايده اعله صدره اوصاح يختي...گومي ابشيمتي اوطلعي ابختي
أخيج لافدي لعيونج مهجتي...من يدناج وبجفي المحتم