بسيوف العداله
«نصاري مذيل»
بسيوف العداله...تصديق الرساله
هاشم والنعـم هاشم...تمضي إبشفرة الصارم
تصديق الرساله
* * *
يوم الصفت إصفوف الحرايب...بوجود الحرايب
صرخة هاشم إبصرخة گرايب...يامحله الگرايب
خلت سبَّگ الفُرّس جنايب...تدهس بالجنايب
وإتجر إبلجمها...وإتواطي إبزلمها
زود أهل الشرف حازم...تمضي إبشفرة الصارم
تصديق الرساله
* * *
إو بيد الكفل زينب من ألأخطار...من حيدر أمانه
رايه وعالهواشم فلك دوار...بحدود الديانه
محله إسيوفهم من تلفح النار...بوجوه الخيانه
وإيهلهل شملهم...والنور إبنزلهم
نـور ألأكبر وجاسم...تمضي إبشفرة الصارم
تصديق الرساله
* * *
من شان الضياغم لو عِله الويد...بصياح المنيه
تشهر للصوارم تشرع الميد...وإتحامي الثنيه
منسوج الخدر نسج الصناديد...بإسم الفاطميه
زينب بإسم أهلهـا...يتقدس محلها
وإلبيها إلتزم سالم...تمضي إبشفرة الصارم
تصديق الرساله
* * *
صاحت هاشم وطير العهد صاح...حي ألله الشهاده
نشرة علم وإبراس العلم لاح...مرسول ألإراده
إو لن راية حبيب إتزمها ألإرماح...وإسيوف السعاده
يردون الكـرامه...لن سيف ألإمامه
عبـاس إبتدر باسم...تمضي إبشفرة الصارم
تصديق الرساله
* * *
إو ينده يا حبيب أنصارك إشلون...تجدم عالغوالب
إو حمل ألأهل تنهض بيه هله إيكون...وإتهون النوايب
إو هاشم علم فزَّع ما يذبون...بالكون المصاعب
نـاداها وتحسر...تعلم يبن حيدر
عـزم أنصارك الحازم...تمضي إبشفرة الصارم
تصديق الرساله
* * *
