محله الگرايب يـوم...تتناخه عالملزوم
واليثگل يشيلونه
* * *
هاشم إسباع الكون...هاجت إبيوم النيبه
صاحت بوجـه الكون...وأخذت الكون إبهيبه
وتصوب المسكون...منهم إبسهم الريبه
حمل الحرايب دوم...بيه العمام إتگوم
واليثگل إيشيلونه
* * *
عند الحمايل هاي...عاده وسنن مشروعه
لو سمعت النخّاي...تفزع تسچن روعه
وتتبع عجيد الراي...وتسري السريه إبطوعه
وتتبع هوى الجيدوم...لو هب عله المحتوم
واليثگل إيشيلونه
* * *
هـاشم نعم من گال...هاشم يحي طاريها
هاشم ويا حي فال...هاشم وباس إلبيها
هاشم ذچر عالبال...ما ينكر ماضيها
وأخذت إبغالي السوم...بالغانمات إعلوم
واليثگل إيشيلونه
* * *
هاشم إبحد الباس...نشرت علم للهمه
واليثگل إعله الناس...يوم الثجيل إتزمه
ولو رف لوه العباس...شمل العمام إيلمه
للواجب المرسوم...هاشم تبيح إدموم
واليثگل إيشيلونه
* * *
صد يا بعيد الشوف وإگصد الغايه إگصاده
وإگصد سمت موصوف بالشرف وإخذ الراده
بين الخلگ معروف عند الحمايل عاده
تتچنه للمهضوم تهجر لذيذ النوم
واليثگل إيشيلونه
* * *
وهذا السمت والشان...والف مچارم هاشم
وإنحفظ بالوجدان...والبيه تحفظ غانم
وهالسمت وألإحسـان...عضد إبعضد متلازم
وإللي تود وتروم...هالعز تدوس اللوم
واليثگل إيشيلونه
* * *