مسيحي يحظى بالشهادة
«تجليبه»
وهب هذا الينادي يالتسمعونه...(عليمن هالحرايب) ما تخبرونه
* * *
وهب آنه المسيحي إو عدكم إعلومي...إمن أعيان المسيح إو سيد إبگومي
بالحرايب ربيت إو حربي من يومي...ساعدي إو صارمي ها تشوفونه
* * *
وهب آنه وأشوف الخيل مصفوفه... إبكربله إومدري شنهي نية الكوفه
حسين بالطف غريب إو عيني إتشوفه... والله لحمي ثنيته وإنذبح دونه
* * *
وهب آنه المسيحي إو جزت من ديني... حب حسين أخذني إو شرف يكفيني
دون ألإسلام اجاهد جهد تمكيني... وأشفي خاطر محمد وأنعم إعيونه
** *
وهب آنه وأشوف الگوم ملتمه... إبكربله إو حايطه بخيام أبو اليمه
ليش يهاللخيانه مالكم ذمه... حسين عدكم ضيف إو ما تضيفونه
* * *
وهب آنه إو حياتي كون أضحيها... لابن بنت الرسول إو روحي أفديها
ليش خان الدهر والوادم إشبيها... لعد مهجة نبيهم ما يراعونه
* * *
وهب آنه إو لجيب الغانمه لمّي... إو كون اخضب إچفوف العرس من دمي
وإبصليل الصوارم ينجلي همي... والشهاده إبحياة النصر مقرونه
* * *
