گوم يا مسلم تلگه إضعونها...حرم هاشم والعده إيبارونها
* * *
آه يا مسلم لون حاضر تشوف...إبهاشم إموسِّده وإبوادي الطفوف
روت چاس الموت بأشفار السيوف...دون أبو السجاد نور إعيونها
* * *
گضو يا مسلم هلك بالطف چتل...يالعلي وألله وسف حتى الطفل
إو بگت عالغبره وإمكوّر للنبل...إبحافر الخيل العده إيسحگونها
* * *
عالوطيه إمعفره إبدمها إو خذم...إو روسها إعله الميد يا بحر الشيم
إو گمر هاشم طاح من چفّه العلم...والكفر طاب الرغد بعيونها
* * *
گمر هاشم صابه إبعينه السهم...طاحن إچفوفه إبعمد راسه إنهشم
طاح والعسكر عالمخيم هجم...آل أُميه نالت اليردونها
* * *
إو فرّت إمن الخوف تتباچه العيال...إو گامت إبسد النسه إتلوذ ألأطفال
يبو الشيمه إو ربّطونهن بالحبال...آه وإمن الضرب سود إمتونها
* * *