نعي
لسان حال أم البنين عليها السلام
آنه أُم البنين إلفارگوني...لدرب حسين تتربه إعيوني
يـوم المشو عني إو ودعوني...خمس إسهام چتاله رموني
ما خالفو رايي إو جفوني...وإبنصرة عزيزي أمِّلوني
إو وصّيتهم ما ظن نسوني...بيّضو وجهي إو نومسوني
إنچانهم حيين إجوني...إو لو بيهم الگوم أفجعوني
وفّيت للزهره إديوني...مصيوب گلبي إو ضمّدوني
* * *
يا جارتي لا تسمّيني...أُم البنين إو تذچريني
تلچمين جرحي وتفجعيني...أنا أُم البنين وتجري عيني
من إجروح جيدومة بنيني...والعامود هالثگل حنيني
إو سهم العيـن المهيج ونيني...وإبكربله طاحت يميني
إو بالحجر مفلوعه جبيني...إبهالحال من إتشاهديني
إبغير النحب لتچلميني...وصبري رضا الباري معيني
* * *
أنه أُم البنين إلبيهم الزود...صوارمهم تعفر بيض الخدود
ولو هزت سمرها إتفصم الجعود...الواحد بألف بالميدان معدود
ترابع سور خدري من أربـع حدود...طلاسم بيهم الناموس مرصود
لچن دهري رماني إبسهم محدود...وعبدألله إلعليه الگلب ميهود
والخله دليلي إبنار موگود...فگد عباس راعي العلم والجـود
ثكله وبالنحب ما علي منگود...فگدت ألأربعه والعگل مفگود
* * *
بالأربعه يحسين ضحيت...ظنيت سالم ترد ظنيت
وإبنصرتك يحسين وصيت...عينت بنيني إو زهوة البيت
عباس وإبدمه تحنيت...وديت والكربله إشوديت
إو ينگلب مسره الفلك مدريت...وإجروح خمسه إبگلبي خليت
جرحك ضهدني إو ثكله ظليت...إو عن البنين ألأربعه إرضيت
إو برضاك أنه للزهره وافيت...حگ العليه إو ذخر خليت
* * *
