الركب الحسيني
ضعن الـهواشم على الطف جدم...حط الخيم
وازهت ابنور الضعن كربله
* * *
هـاك اخذ وصف الضعن يالتود...وصف الضعن
نور اوتجله ابسماء المجد...وصف الضعن
كوكب ويزهي بصباح الرشد...وصف الضعن
ثغر الشهاده ابنزله ابتسم...وحط الخيم
والشرف حصل اليتأمله
* * *
حيـر العشر العقول وكلف...وصف الضعن
سر من أسرار الفلا تنعرف...وصف الضعن
ما سوه البـاري عليه مشترف...وصف الضعن
راسم ابجبهة اللوح القلم...رسم الخيم
ابساعة النشأه من گالوا بله
* * *
قطب النجاة او يدير الفلك...وصف الضعن
مسلك البي كل موالي سلك...وصـف الضعن
وسبحته البيها تسبيح الملك...وصف الضعن
ورزق الشهاده إعله اهلها انقسم...هاي الخيم
وثوب الجلاله عليها ايحله
* * *
دسمع يمن بالضعن تغتنم...طيب العلم
ابهالضعن يا شبح منرسم...طيب العلم
بيها وحي الله اوجمع الكلم...طيب العلم
والها أشراف الملايك خدم...هاي الخيم
بالنصر والسعد متكلله
* * *
وصورة محاسن رجـال الضعن...طيب العلم
وماخذ الچاس ابمرور الزمن...طيب العلم
منهم القاسم چسب للحسن...طيب العلم
وسلم احگوگ الوصيه اوخدم...هاي الخيم
لأمر ابوه الولد متمثله
* * *
وإسمع فراسة رجال النزل...دون النزل
اشما ثگل بالحرايب ميحمل...دون النزل
ما گصر بالجهـد حتى الطفل...دون النزل
آ يالرضيع او يحر السهم...هاي الخيم
وجت ابجمرة سهم حرمله
* * *
ومنهم الاكبر شبيه النبي...مثـّل علي
ابصـارمة البيه الهظم ينجلي...مثـّل علي
دون الحسين اوبنات الوحي...مثـّل علي
ونالت ابزوده شرف عالأمم...هاي الخيم
ياهله ابزود الأكبر ياهله
* * *
وراعي القياده يشع چالگمر...يحيى الگمر
وانجله ابنوره ظلام الدهر...يحيى الگمر
ورايته رفت بجو الخطر...يحيى الگمر
بالخدر ومخدراته التزم...وهاي الخيم
ودلل امودعة عقد الوله
* * *
وشوف الأنصار وجبيب اشعمل...يوم الحمل
وافه الحسين اوعهوده الأزل...يوم الحمل
وشيبته اتحنت ابدم الأجل...يوم الحمل
وصحبته ذبت اجهود الهمم...وهاي الخيم
عگب اهاليها بگت معوله
* * *
