دمع اليـّكت اعله حسين لجهنم ايطفيها
* * *
آيـات تنزيل الجلاله تشهد...بفضل الحسين امعرب إمن أب وجد
وبسيف ابوه باري البريه اتوحد...وجده محمد للناس رحمه انرسل يهديها
* * *
دمعة التجري ابمأتمه ايحفظوها...وبخزنة الرحمه تره ايحرزوها
وتصير درة نور ويرشحوها...وبقلم قدره مكتوب سطر الشفاعه اعليها
* * *
والدره يـوم المحشر ايعرضوها...اعله الرسل كلها بثمن ميثمنوها
يگلهم محمد من إله ايجيبوها...لحسين ودّوها وذاك ينطي اجر راعيها
* * *
وحسين يعرض دمعـة المسچوبه...للباري ويرد النده المحبوبه
هالدمعه صاحبها مِحينه اذنوبه...وننطي عوضها لو راد كل المله اينجّيها
* * *
واللي بچه اعله حسين هذا شانه...لاچن بعد ما ادري ابعدوانه
يوم الذي مالك يوج نيرانه...إيجلبها بيها اعله الراس لو عالوجه يچفيها
* * *
يالغافل اصحه وانتبه واتصور...لاتظل بالدنيـا وهواها مغتر
عين الذي بحسين ما تتبصر...يوم الحشر ذيچ العين رب السمه يعميها
* * *
لو ردت منهج من النار ايخلصك...ابعروة الوثقى اعتصم وتمسك
وطالع القرآن المجيد ايعلمك...العروه الولايه وما فاز غير التمسك بيها
* * *
ابنور الولايـه الما يموت امنوّر...ايخلوه لايج عالصراط امحير
ما يجزي الا ابتسكره من حيدر...الوجهك وگصد السايات من شيعتي نمحيها
* * *
ابعين اللطف يا ربي شاهـد حالي...اصواب الحجر طر جبهتي وچتالي
اوسهم المثلث ماضي ابدلالي...ياربي وضلوعي الگوم بالحافر امهشميها
* * *
وانته اوعدتني بالشفاعه وهالحين...يا ربي حَل يوم الوعد وآنه حسين
هاي الخلگ صبت علي دمع العين...تطلبني وآنه ابها اليوم من رحمتك اوفيها
* * *
ينزل جوابه يا چتيل العبره...يامن اصوابك لچم ضلع الزهره
هذا الحشر يحسين بيدك أمره...اخذ التحبه واعداك لجهنم انوديها
* * *