ثـوره وبـالـطف مولدهه .. وزينب صارت قادهه .. ثورة بنت الكرار
دم الـمـنـحـر فـجرهه .. وضلع الكوثر مصدرهه .. ثورة بنت الكرار
رايـة مـحـمـد بـالـيـسـر تـحملهه.. زينب شجاعة حيدرة تمثلهه
وصـبـر الـحـسـيـن وغـيرة الكافلهه.. هاي الذي محد يشاهد ظلهه
حـانـت سـاعـة ثـورتهه .. تحيي المله ودمعتهه .. خطت نهج الاحرار
وتـراب الـطف شاهدهه .. وصوت حسين الخلدهه .. ثورة بنت الكرار
بـاقـي الـحـسـيـن وعـاش عـبره وعبره.. ظنو نهاية ثورته بحز نحره
مـاحـسـبـو بـعـد الطفوف الثوره.. نفس المخطط والنهج والفكره
هـيـبـة حـيـدر هيبتهه .. صولة فارس جلمتهه .. كل دمعة تسل بتار
رأس حـسـيـن يـبـاربـهه .. وچف عباس يحييهه .. ثورة بنت الكرار
ونـة عـلـيـل وبـين صرخة طفله.. والمجلس وصوت الحقد مو سهله
كـل هـالـمـصـايـب تـرجمتهه بصوله.. اسست زينب بالضماير دوله
كد كيدك ناصب جهدك .. وشتگدر ضاعف جندك .. خصمك طه المختار
جـنـهـه الـزهره بخطبتهه .. وحروف الدم كتبتهه .. ثورة بنت الكرار
مـن وحـده خـلاهـه الـزمـان لوحده.. بس ثورة المطلوم اكثر شده
مـن وگفـت بـذاك الـجـمع تتحده.. جيش انتفض كامل عده والعده
صـرخـه وظلت للمحشر .. بوجه الظالم تتفجر .. كل جبل يصيح النار
ثـوره ودوم نـجـددهـه .. والاحـرار تـأيـدهه .. ثورة بنت الكرار |
