بعد گلبي الدهر ما بيك ما وين
على الضاعت ابتالي الليل ما وين
كُلشي ايصيح زينب وين ما وين
أثر ما بين البنت الزجية
زينب وين ماخذها دهرها
حتى الگاع ما تعرف خبرها
كل شي يقول ما شايف أثرها
زينب وين ؟
جاري الماي...صاح هواي
ضاعت ليش يا دُنياي...زينب هاي
يا دخان يا ظلام...يا تراب يا خيام
كل مكان دوروا زين...عل فرات مرتين
وين تروح...لازم يم اخوها
لا هيهات...توصل يم ابوها
هي هنا...لكن ما لگوها
راحت وين، راحت وين؟
غيمة تگول...منّ مسؤل
ماتت لا مو معقول...مو مقبول
يا رماد...يا سواد
يا طيور...يا جماد
يا طفوف...يا سيوف
يا رماح...يا حُتوف
اصغوا اهنا صعبة تخفي ونها
بالتأكيد يالمها متنها
ردوا بساع بس خبروني عنها
راحت وين؟
ظل مشمول حتى الليل
يسأل راح نجم سهيل
لحظه وين
والنجوم...والغيوم
ما تشوف بس تحوم
والغموض والمكان
يشتكون للزمان
موجة ماي طلعة من الَمها
بلكي تشوف اثار الجدمها
بس يا حيف ماتت وي حلمها
راحت، راحت وين ؟
شنهو الصار...ليل أخطار
خوف ب خوف...ماكو اخبار...يا ستّار
يا نسيم بالله روح
بلكي ظال بيها روح
يا تلال...يا ظلال
ماكو صوت لاخيال
صوت الطير دورت وعفتها
والصحراء صاحت ضيعتها
والتل صاح زينب ما شفتها
راحت وين، راحت وين ؟
والميمون ضل يدور
هم خجلان وهم مكسور
ضل مذعور
يا رمال يا سيول
يا ضباب يا سهول
يا كفيل مستحيل
ما لگيت اي دليل
ندمانين عضينه الانامل
وامأيسين كافي ما نحاول
يعني نگول نأسف يا بو فاضل
راحت وين ؟
هودج نور بالطف ذاك
اخت حسين بلكي هناك
زينب وين ؟
