بت علي الخالق حفظ أسرارها...و جعل روح القدس خادم دارها
هاي زينب جوهرة كنز العلم...الباري سماها و نعتها ابهالاسم
سرها ما بين الخلايق طلسم...و لغز حير للبشر أفكارها
ورثت الإيمان من سيد الرسل...فرع و أشرف فرع من أطهر أصل
غير أمها الزهره ما إلها مثل...شجره طيبه و بت علي أثمارها
الباري ناسج إلها جلباب الخلود...زينب و ما مثل زينب بالوجود
كل فخر من عدها للزهره يعود...و صوت للنهضه اخوها اختارها
مشت ويه حسين تبعت سيرته...و حين عالتربان شافت جثته
زينب اتبنت مهمة ثورته...و كملت بالثورة كل أدوارها
الهادي رب الكون شان إلها رفع...و جعل تربتها أمان امن الفزع
إلها مرقد فخر بالعالم سطع...و قبه تغشي كل بصر بأنوارها
مجد شامخ إلها و بمر العصور...و هذي حضرتها تشع نور اعله نور
و انت يالزاير ادعي لي من تزور...الباري يقبل دعه كلمن زارها
