الما يبجي اعله زينب فاقد امروه...الوكت آه الوكت وي زينب اشسوه
سطرها من مشت للعلقمي بالليل...تدليها اعله خوها ريحة الخوه
قعدت يم أخوها و تجر سهم العين...مثل روح ابجسد من تنسحل قوه
شافوها و اجوها و هية يم عباس...كلمن بيده سوط و جاي يتقوه
يضربوها و تطيح و تنهض من الآه...مثل سعفه ابهوه من السوط تتلوه
ما تنساها زينب حته من اتموت...جن يوم الطفوف بكل وكت توه
تشوف الماي تتذكر أخوها حسين...يعني اشلون ما معقول تتروه
ما يسوه العمر لو صار بس افراق...عمرها بغير أخوها حسين ما يسوه
زينب إلها ونه بوقفت الديوان...إلها اعله المصارع و النهر حنوه
ما عدها عتب لو شافت العباس...عدها امتون زرقه و قاصده بشكوه

 دوه صوت النحب و أسمع دواوين...و اجروح الفقد أهله الدواوين
صدق زينب يوقفوها بدواوين...و أبو فاضل عله الشاطي رميه

*****
علي السقاي
الأعادي اعله النسه اتمرجل شَمرها...وين الجفه عالشاطي شَمرها
ما يدري اشوضع زينب اشمرها...و متنها اعليه يلعب سوط أميه