عرسك امبارك يجسام يسباح الـچبد – يبني ريضلي ارد أودعك خاف ليه ماترد

عرسك امبارك يجسام امهنه ابهالعرس – اتلوگ الك يا ماي عيني اليوم بدلات اللبس
يبني ياشعرة مهجتي إلك بالونسه نفس – خلني اهلك واشمك وانظر الطولك واصد

يبني ياشمامة احشاي يجسام الشباب – محرب اسم الله اعله طولك لاخفه نورك اوغاب
خايفه انظر واشوفك ياوليدي اعله التراب – امـگطع اولا گالها الله ياشبيب تنفجد

دار عينه لمّه رمله وهوه شاهر صارمه – تنفجع يمي تقبلين بأبنها فاطمه
وانتي ابنـچ يظل سالم مستـچن بمخيمه – يمي عـگب احسين عمي للسلامه ماأود

فارگ امه اعله المنيه وهي ضلت شاخصه – ابعينها الدربه والاجموع كثر عد الحصه
صار بالخيل بن عمران اوصمصامه العصه – لف رواياها اوطواها اوباجثث ياهو اليعد

بحر من دم المـچاتيل ابوادي الطف صنع – اشبيب ابن اثناعش گلبه مامن الجيمه انخشع
ماتريّب منها حتى اشراك نعله امن انـگطع – بين سبعين الف طاغوت عليه هبط يشد

غافله الازدي ابسيفه او خله من عنده الجبين – منجسم نصين ويصيح يعمي ياحسين
من سمع صوت ابن اخيّه شبل أمير المؤمنين – شد چتل چتاله والخيل عليه صارت تشد

ابسيف ابو اليمه على الخيل عصف عاصف الريح – لن يون من تحت الخيول العريس اويصيح
يعم كف الحرب بيه ما بـگه مفصل صحيح – يعم طحنتني العوادي رد رهيفك للغمد

غمد سيفه اونزل شاف الغصن طوله اعله الرمال – ابدم جبينه سابح اسبوح اوگابع بالنبال
ايعالج ابروحه اويمد اليمنه ويلم بالشمال – يرفس ابرجليه اوذابل ذبلة اغصون الورد

عاليتيم الماتهنه بالعمر جيمن النوح – جسّن الـگلبه اوشوفن ميت يولا بيه روح
جلبن اوشوفن دليله اشكثر بيه امن الجروح – اونسلن احعوده ابراضه جبهته لاتنضهد