خدمتك يامظلوم راية فتح – آخره اودنيه ابهالخدامه الربح
*******************
تاج الخدامه فلك نور اويشع – ابنور الامامه اوشانه المرتفع
بثنعش درّه امرصّع اوينوضع – ابجبهة الاخلاص إعله راس الفلح

جبريل هذا التاج بي يفتخر – عالملك واسمه ابهالخدامه انتشر
خادم تسجّل لبن سيد البشر – ابدفتر الخدمه اوصار بي ينمدح

هالخدمه دره من دراري الخلد – احتفض بيها والحفظها استعد
اتمسك بالاخلاص اوتنول القصد – او گطع ابهاي وعرف طول الشرح

وامزج الخدمه ابطاعة الله اوتصل – لحسين وبضل العرش تستضل
الفرع هذا وطاعة الله الأصل – عن طاعة الله اياك تضرب صفح

انظ للحسين الذي ايطاعته – ضحه ابرضيعه اوضحه دم رگبته
لمن عرف للدين والملته – غيره مداوي بالدهر ما يصح

 
احرب ابسبعين اعله سبعين الف – قابل ثـگل جيمة يزيد الجلف
أطوه رواية آل اميه الترف – ابراية الدين البي صبح متضح

مالعد ثارك غير امام اليطب – للنجف من مكه اويسر الـگلب
يمته الارض من آل صخر او حرب – تطهر اوبي يمسي الموالي فرح