ياعلي لوما وجودك أبد مادار الفلك --- اولاخلق رب البريه الانس والجن والملك
...................
ما خلق رب البريه الانس والجن والوحش – اولايحيدر بالعوالم صوّر الأرباطعش
ولايبو الحمله الوجوده صور الباري عرش – اختار شخصك عرش لاچن عالعوالم فضلك
.................
اولاخلق جنة الفردوس يحيدر ياأسد – غير لجلك واليحبك والعدو ابفضلك شهد
جنة المعبود إنته وحبك احله من الشهد – ويحله عالكوثر يحيدر ياعلي حب الإلك
.......................
ياعلي حبك الجنّه اولامثل حبك يصير – فرض من الله الرسوله اونص نزل يوم الغدير
بلغ الاسلام حيدر عالأنس والجن أمير – اوبيك تم الدين أسمه اولون ماسيفك هلك
.........................
ياصراط المستقيم اوسيف رب العالمين – ياقسيم الجنه والنار يمير المؤمنين
يمن تاب الباري بسمك ياعلي اعله المذنبين – إنغفر آم ذنبه اونوح نجه من مثلك
........................
ياعلي اويونس امن الحوت يحماي الدخيل – نجه اوصارت برد بسمك ياعلي نار الخليل
ويوسف اليعقوب ردّه من توسل بالجليل – وانته سر عصاة موسى البيها لهل الغي ملك
..........................
اوبيك ابن داوود طيع الجن وانسها ابخاتمه – وبيه سخّرله الرياح وچان بسمك خاتمه
ماحوه علم الإله من اوله للخاتمه – غيرك اورحمه الهدى الناس الباري نزلك
.......................
اختارك الباري يحيدر عگب طه من المله – اوبيك عز دين ابوالزهره اوعله الاديان اعتله
إنته البسيفك البتار الشبيه الزلزله – طيّعت ذيـچ الطواغيت اوذل الخاذلك
.................
من مثل شخصك يكرار يضرغام الحرب – الروح تتشكر مساعيك يـچشاف الكرب
ماإلك ياحمه الدارين تمثيل ابشرق اولاغرب – يالذي أدركت الاسلام اوذل كلمن شرك
.........................
يمن نزلت بيك سورة هالأتى والعاديات – اولاسوى غيرك يحيدر على افراش الهادي بات
من سـگه ابعملت الخندق شوسها كاس الممات – غيرك اومن رد ابن ود نشدته من سايلك
.....................
مانشد حب لعد عودك لـچن خوف امن الـچتل – خاف لن من عـگب عينه ينولي حزبه اويذل
طفه ناره الباري ابنور اوسر سيد الرسل – ابقدرته اوعزته اوجوده يبو الحملات انصرك
................
اوبير ذات العلم منهو الغيرك اعليها جسر – طيع الجن يبو الحمله اولعد مرحب من طبر
يوم حرب النهروان اويوم صفين الأمر – اويوم حرب الجمل بيه احصدت روس ابصارمك
.................
ابصارمك طاعت يحيدر ياعلي جن اوأنس – ومنهو ردت من برجها لأمره نوبين الشمس
اشلون ياليث الحرايب يجسر اعليك الرجس – اوثبتت اجدامه اوتدنه اوبالمهند جندلك
.................
من انطبر بالسيف راسك وانته ساجد للجليل – اهتزت السبعه الشداد اوناح لجلك جبرئيل
العالم العلوي تغير من گضه حامي الدخيل – اوناحت اهل الارض لجلك ياعلي ولمصيبتك