قبر الزجية وين نلقاه...قبر الزجية وين نلقاه
 
يا غيرة الله وصاحب الثار...يالمهدي عندك كل الأسرار
هذا الحلم يا مسك الأطهار...يمته قبرها انقول زرناه

خلص عمرنه أحزان وآهات...نوصلها وتطول المسافات
تقضي بظهورك هالمعانات...جبنه العمر بالحسره والآه

قبة ومناير باجر انشوف...بجفوفك وحي الله الجفوف
للحضرة ندخل يمها وانطوف...وانعوض الكل ضيم شفناه
 
بسمك يبو الطلعة البهية...نتعنه ونزور الزجية
نحيي الليالي الفاطمية...مجلس عزاء وانت ترعاه

وانشارك البضعة بألمها...غادي الصلاة انت تأمها
نحيي أربعين الزهرة يمها...مشّاية للمظلومة معناه 
 
عله الزجية تدمع العين...وانودي إلها اتراب الحسين
يحله اللطم بين المصابين...عاشر محرم لا مننساه
 
ندعي الله يالمحجوب نورك...والأمنية ايعجل ظهورك
يا حجة الله يبدي دورك...ندعي الظهورك وانتظرناه