نار الأحزان يزهراء أحس بيها...بين الضلوع ولا ماي يطفيها
كل الجروح بالجروح أداويها
كسر الضلوع بالضلوع جمر يسري...نار الدموع بالخدود نهر يجري
وأشتعل نار عله الصار ولو أدري...صاحب الثار عله الثار يداعيها
بيت الأحزان يزهراء يظل بيتي...وانتي بالروح هوه الروح تسميتي
عني ما يوم يا زهراء تخليتي...من أناديج بالأهوال تحضريها
ما يقدرون يغيرون عشق روحي...لو يظلون يدوسون عله اجروحي
حبج الماي يعرفون روها سفوحي...كوثر ايصير عله الحوض يرويها
انتي بالعين وأحس بيج ضوه اعيوني...فاقد الروح بلياج يسموني
والله هيهات يقدرون يمنعوني...عنج بيوم وأنا اعداج لعاديها
هذا للموت عهد موت ولا خونه...حزني بجفاج فلا ناس يحزنونه
قلبي مجروح يا زهراء يعرفونه...وعين الدموع بالفراق تسليها
آني ماريد ولا ريد عشق ثاني...واسمج آيات تراتيل عله إلساني
عمري يفديج وأنا أدري عمر فاني...لجلج أعمار يزهراء أضحيها
المهدي بالسيف يزهراء يرد ثاره...يندم الراح عله الباب شعل ناره
ما تفيده التعذر تره أعذاره...تصفه بيدك قضيتك يمهديها
