حلْم اْو تراوَد إلي...صوت النبي يعتلي
گوم اِثأَر اِلفاطمه...سِل صارمك ياعلي
مَرخوص اِبقتالك...إِفعَل مابَدالك
يا كرار...يا كرار
حيدر أنا اليبجي سيفه ويضحك عدوه بطريقه...باليقضه أحلم تَمَنّي وياريته يصبح حقيقه
چنّي اعله مرقد محمد و أسمع زفيره وشهيقه...ويقلي إنسه الوصية مزقنه ذيج الوثيقه
هد يا أبو الحمله هد...بغير الدمه لا ترد
قوم اللي جمعت حطب...إجمعها فرداً فرد
راويها اشتعالك...افعل ما بدالك
يا كرار...يا كرار
آنا الأخذو عهودي أتصبر اعله الظلامه...لو ما وصية محمد أقلبها يوم القيامه
جبريل إجاه و يكلمه جنت أختنق من كلامه...تُغصَب خلافة وصيك و الزهره تُضرب أمامه
حقي وقلت ينغصب...أصبر وأشد عالقلب
بس ريته قال انتفض...لا بضعتي تنضرب
خل أنظر فعالك...إِفعَل مابَدالك
يا كرار...يا كرار
الزهره اغسلتها بدموعي وهاجت من اللوعه ناري...إلمست الكسور بإيديّة بيّن عليَّ انكساري
و إسترجعت هالوديعه باللهم رجعت الداري...بس الله يدري بشعوري حين الشفت ذو الفقاري
أحلم و أنا بيقضتي...عالسيف أحط قبضتي
أصرخ محمد مدد...أسمع صده بصرختي
يا لما كو مثالك...إِفعَل مابَدالك
يا كرار...يا كرار
مُرعب شكل ذو الفقاري معروفه عن سيفي سيره...ما عمره خيّب محمد لي حد حروبه الأخيره
خل تسمع أهل السقيفة لو سيفي يعلن نفيره...تتزلزل أرض المدينة بثار الضلوع الكسيره
ابسيف أطلع ولا درع...عن ثاري ما أنمنع
لو يأذن المصطفى...تتسّمه حرب الضلع
سيفي وبنزالك...إِفعَل مابَدالك
يا كرار...يا كرار
تَوَّه الرسول بترابه و الأمة نزعت خجلها...قامت رؤوس الخيانة تغير الشريعه بدجلها
لو ما العمل بالوصية هالزمرة بيدي أجلها...جان أحصد بهالجماجم من سامريها وعجلها
لو ما جنت ملتزم...ما كو ضلع ينهشم
جان أحجي وي ضامري...انهض يراعي العزم
ياليرهب خيالك...إِفعَل مابَدالك
يا كرار...يا كرار
بين انقلاب و جريمة بضعة محمد ضحيّه...الجبت اويه طاغوته صاروا سلطة ظلم عالرعيّه
هالأمة ما تسوه سيفي و لا تسوه تعب وأذيّه...لو أربعين ألقه بيهم جا حقي يرجع إليّه
أنصاري بس أربعه...كلمن شفت مدمعه
سكتت لِسنهم حزن...حجي الدمع أسمعه
يالصبرك حلالك...إِفعَل مابَدالك
يا كرار...يا كرار
لو أخّر الباري ثاري ما يسكن و يهد حيفي...من صلبي قائم يجيهم متحلف و بيده سيفي
و الأسسو هالظلامه ايحسبونه جن هذا طيفي...ويقلهم المهدي آنا اليوم العقاب اعله كيفي
يخرجهم من القبر...واعيونه تجدح جمر
صوب النجف يلتفت...يتلقه مني الأمر
سوي اللي اعله بالك...إِفعَل مابَدالك
يا كرار...يا كرار
