محتاج أشوفك مر عليَّه...يوسف الزهره
آهاتي نذبة مهدوية...يوسف الزهره
 
يموت الصبر لمن أقره موضوعك...عسه أيامي طويله و أدرك ارجوعك
شكو مجلس أدخله أشتم ادموعك...من كل باب الله يسلم اضلوعك
بالروح ناصب لك عزية...عالضلع أقره
آهاتي نذبة مهدوية...يوسف الزهره
 
أدورك وين أشوفك يا نبض بيه...عله المنبر عساك اتباوع اعليه
تبجي من أقره عالزهراء لطمية...أعرفك قاعد بباب الحسينية
احساسي يهدي لك تحية...بنغمة الحسره
آهاتي نذبة مهدوية...يوسف الزهره
 
المجالس هالوكت تحتاجك اتريدك...دمعتك يا بو صالح قد مواليدك
دعبل عالضلع من يكتب بإيدك...آصف سيدي و عابس رواديدك
اتقيم الليالي الفاطمية...و آنا عالفطره
آهاتي نذبة مهدوية...يوسف الزهره 
 
بسجل الخدمة بيدك صار توثيقي...بس يحتاج ويه الزهره تنسيقي
أنذبك دوم مو بس بوكت ضيقي...يبو صالح و منك أدري توفيقي
من أبجي و ألطم عالزجية...تنحسب نظره
آهاتي نذبة مهدوية...يوسف الزهره
 
عله أمك بالونين اميز اونينك...تحضر بالمآتم وي محبينك
يمن تتمنه روحي اتبوس جفينك...العين الزهره هم تلطم على عينك
دمعة حسرتك حيدرية...الحادث العصره
آهاتي نذبة مهدوية...يوسف الزهره
 
  يمهدي عله الزهره من تنوح الناس...تقعد بينهم و تسيل دمع احساس
گلي حسين إذا يحضر يجي بلا راس...أكيد بلا جفوفه يحضر العباس
جفينه برض الغاضرية...هناك عالغبره
آهاتي نذبة مهدوية...يوسف الزهره
 
بالمجلس لزينب دمعه من اتسيل...بجناحه يشيل الدمعه جبرائيل
عله اغيابك و حزنك ونتي ترتيل...أقرالك النذبه اشما يجيني الليل
دمعاتي تل الزينبية...و الخيم جمره
آهاتي نذبة مهدوية...يوسف الزهره