دمعي...كل عمري شمعه بمجلس الزجية
أدعي...يا ربي ترضه فاطمه عليه

بالمجالس هالعمر...وقف خليته و نذر
بالمآتم أختصر...الدنيه ما تسوه
المجلس اتحبه السمه...بيه تحضر فاطمه
تلطم اويه اللاطمه...عالضلع قوه
توقف...بباب المجالس تبجي بالعزية
أدعي...يا ربي ترضه فاطمه عليه 
 
ما يباعدني الزمن...مجلس الزهره وطن
اشعندي غير أم الحسن...خل يلوموني
شيعي دوماً مقتنع...أغله قربان الدمع
آنه جنسيتي الضلع...ثاره مضموني
روحي...من مهدي حته لحدي فاطمية
أدعي...يا ربي ترضه فاطمه عليه
 
روحي بالمنبر أشد...لو أطشها مي ورد
يلقبوني بالعبد...عبد للزهره
إخوه ما بيها خصم...محله جوقات اللطم
اليدخل إلها منهضم...حيدر ايحضره
يا ريت...من اللطم ما تنحرم إيديه
أدعي...يا ربي ترضه فاطمه عليه
 
آنه عاشور الحزن...بالمهد آنه أون
بالمجالس منعجن...طيني و الأنفاس
اتراب خلقي نوع بي...من التل الزينبي
يعني بالغيره أبي...صاير العباس
للموت...نبضاته قلبي تبقه حيدرية
أدعي...يا ربي ترضه فاطمه عليه 
 
 غدّت ادموعي العشق...عنه لا ما أفترق
علصدر لمن أدق...الزهره تقبلني
كربلائي بغيرتي...زينبية دمعتي
بالمجالس شمرتي...علّمت ابني
قلته له...هذا اللطم خلي إلك هوية
أدعي...يا ربي ترضه فاطمه عليه
 
هالعمر وشما جزه...شرف و أغله جائزه
وقفتي بنص العزه...تسوه كل عمري
لو أرف بيدي العلم...ماي أوزع للخدم
اشقد حلو ايحس بالألم...باللطم صدري
رايد...تكتب لي اسمي بالسجل رقية
أدعي...يا ربي ترضه فاطمه عليه