يالدفعتم بابي...ما حسبتوا احسابي
ظليت أسل امهندي و أنظر له كل ليله...عن دفعة الباب و كسر ضلع أمي أحجيله
وعد الله آنا المنتظر صبري انهدم حيله...و الحارق الدار بحقد من سيفي يا ويله
هيه غيبة وراجع...بالعذاب الواقع
ما يدوم اغيابي...ما يدوم اغيابي
خل يسمع القايل و إن فاطم اعصروهاما يدوم اغيابيو اللي رفع صوته بغضب و القال اسطروها
عُمر الشمس لو غرّبت تطلع انطروهاما يدوم اغيابيجيش الغضب راجع و إن كلكم تنكروها
الما عرف حق داري...منه آخذ ثاري
بسيفي أرد واكتابي...بسيفي أرد واكتابي
كل ليلة أمي فاطمه يبني تناديني...كسر الضلع ما منجبر يالمهدي ياذيني
جف السطر عيني بحقد ماخذ نظر عيني...قلت إلها أيام و أرد فقاري بيميني
راح أرد بسيفي...منكم آخذ حيفي
عمره طال امصابي...عمره طال امصابي
ما حاسب احساب العصر أمي ودخل داري...يفلان يالكاسر ضلع بيك ابتدي بثاري
صبح ومسه بعيني الكسر وبجفي فقاري...وناتي آه يفاطمه يا رحمة الباري
أجري دم من عيني...أبجي طول اسنيني
وبدمع محرابي...وبدمع محرابي
امن فلان وفلان السبب دم تجري دمعاتي...من دفعة الباب ابتدت صفحة معناتي
طبرة علي وجبد الحسن كل دني ثاراتي...ذبحة أبوي بكربله و تسليب عماتي
ونتي بأيامي...يا حسين الضامي
يالذبحتوا أحبابي...يالذبحتوا أحبابي
خليت أساس الكربله من عصرة الزهره...تدعي لي زينب بالعجل أمر الله أنتظره
يا ثار أبوي المنذبح باجر قرب فجره...متهيئ بجيش الرعب وينه القطع نحره
حيدر بحملاتي...منتظر ثاراتي
عن قريب اجوابي...عن قريب اجوابي
زينب تناديني العجل يا عمه أدركني...مالومه من سوط الشمر خدري انسلب مني
عمك يغايب عالنهر طاح وبعد عني...من جفه قوم إخذ العلم يا عمه واقصدني
عمه شيل الراية...يالغيابك غاية
