آخر الأخبار...خاتم الأطهار
يعقد أروع محكمه...يا لثارج فاطمه

قامت بروحي القيامه والوضع نفس الوضع...ألف و أبع مية عام يسولف بخدي الدمع
لكن أخبار الحقيقة تبقه للضامي نبع...أول وتالي أبو صالح ياخذ بثار الضلع
بكل فرض أدعي...مهدوي طبعي
عايش بروحي الضمه...يا لثارج فاطمه
 
باجر المهدي بظهوره يبتشر وجه الخدر...بيده من باب الزجية يطفي ناره التستعر
يأمر بإحضار كلمن شارك بيوم الكسر...من أول أصحاب الخيانة الآخر أصحاب الشمر
كل بني آدم...كلشي بالعالم
يصيح لا للمرحمه...يا لثارج فاطمه 
 
يعقد ببيت الزجية محكمة رب السمه...يفتتحها بيا محمد يا علي حامي الحمه
مو مثل هاي المحاكم تختلف هالمحكمه...قبل لا يحجي أبو صالح يقره سورة فاطمه
سورة الكوثر...بيها جم أبتر
للقصاص انقدمه...يا لثارج فاطمه
  
عيسه جالس عن يساره و الخضر عالجانبين...حتماً القاضي أبو صالح جالس ابين الأثنين
اشهود ما رايد المهدي يكتفي بدمع الحسين...يطبق الآية الكريمة يومَ تشهد اليدين
تشهد اعليهم...حته رجليهم
هالأمر من السمه...يا لثارج فاطمه
 
سمعوا يا أيها الناس بدولة المهدي الهمام...الذيب ويه الشاة لابد باجر ايعيش ابسلام
ما كو دم و طائفية ما كو بالدنية ظلام...دولة الإنسان باجر تضوي من وجه الإمام
بدولة القائم...ماكو أي ظالم
بالمحبة مفعمه...يا لثارج فاطمه
 
بدولته ايعم الأمان ويرجع الحق الهله...يسوي مرقد للزجية امن المدينه الكربله
بكل شبر موكب ينادي يا هله و مية هله...و الكره الأرضية تهتف توه كون الله حله
بمرقد الزهره...نلطم و نقره
فاطمية الخاتمه...يا لثارج فاطمه