هيهات ما ننسه الضلع...يافاطمه المظلومه
فاطمه بسمج نصيح بعالي صوت...ما نجامل عالضلع لا للسكوت
حيدرية وحاشه ما يبلعنه حوت...فاطمية بخدمتج نحيه و نموت
صرختنه هذي تنسمع...يافاطمه المظلومه
دمنه زهرائي مجانينج نظل...جلمه نحجيها بشجاعه ابلا خجل
لا فتى إلا علي خير العمل...علي الأول غصبن اعله أم الجمل
ما غيره حيدر نتبع...يافاطمه المظلومه
عالمناحر فاطمه اكتبنه العهد...انظل نخدمج أبد منعوفج أبد
وبخدمتج والله من جد وجد...انصيح بسمج فاطمه مدد مدد
نعلق لج العشره شمع...يافاطمه المظلومه
فاطمه ونقسم وحق عرش السمه...الما رضه بحيدر ولي منسالمه
الله يلعن هالسقيفة المجرمه...سجلينه بدفترج يا فاطمه
عن خدمتج ما نمتنع...يافاطمه المظلومه
فاطمه اعليج بدمع عين الحسن...انريدج بيوم الحشر يوم المحن
سلمينه بإيدج الجنة عدن...الجنه بوجودك تصير أحله وطن
لولاج ما قام الشرع...يافاطمه المظلومه
كلمن يحبج محبته اتميزه...يا كريمه وفضلج اتعده وجزه
بكل عزه نشهد إلج فد معجزه...حته بالمحشر إلج ننصب عزه
نجري لج هناك الدمع...يافاطمه المظلومه
غالية و ما كو بغلاتج غالية...و التوفقينه المراتب عالية
يعني مقبول بخدمتج راضية...نظره منج وحده كلش كافية
حبل الوصل ما ينقطع...يافاطمه المظلومه
