يا بو صالح كلها تتمنه تشوفك...و انت تعلم من يجيك ومن يعوفك
و اليصدق بكلامه...خل يحترم إمامه
و انت تعلم
من كثر ما أحسب أيام الظهورك...كل صلاة الجمعة أترقب حضورك
أعتذر خاف العتب يجرح شعورك...بس أقلك عظّم الباري أجورك
كل حياتك تنتظر و الله يصبرك...مستعدة اجنودك و منتظره أمرك
و الينتظر علامه...خل يحترم إمامه
و انت تعلم
احنه لو راعي الأمر فعلاً نريده...خلي كل واحد يحاسب نفسه بيده
لو نصّفي اقلوبنه و ندعي بعقيده...من يقلك طلعت المهدي بعيده
تفرح الزهره إذا يطلع ابنها...واحنه فرحتنه إذا طيّب جفنها
و اليحسب القيامه...خل يحترم إمامه
و انت تعلم
غايب وحقك بعد تزعل علينه...واضح المنكر نشوفه وما نهينه
كلنه نتحمل ذنب غرق السفينه...ما منعنه اللي كسرها و لا حجينه
بالقيادة كلنه قادة و أعلمية...من غرقنه كلمن يقول اشعلية
والرايد إحترامه...خل يحترم إمامه
و انت تعلم
و الركب موجه يدور له اعله ساحل...بالمصالح تمتلي دنيانه باطل
يا وسافه ظلوا القله القلائل...و البقية الغالبة ظلت تجامل
و الشعارات الجذب تملي الشوارع...أدري لو يرجع علي ينصبونه تاسع
و الينكر إتهامه...خل يحترم إمامه
و انت تعلم
لو نغمض العين و الباطل تسيّد...هذي عالزهره أشد من سطرة الخّد
جم يتيم اليغفه جوعان و تعوّد...جم يتيمه التلتفت ما عدها أحّد
يا خلق وين الضماير و المراجل...يا صلاه صليتو من شفتوا الأرامل
و اليجرح اليتامه...خل يحترم إمامه
و انت تعلم
القيدو إيد الوصي وقالوا له بايع...جانت الغاية الرئاسة و المطامع
الغاية وحده وتختلف بيها المواجع...ردنه نتقدم صفينه بالتراجع
و اليحب الزهره يفديها بوريده...مو يسّلم عالشمر ويصافح إيده
لا يحترم مقامه...خل يحترم إمامه
و انت تعلم
و الأمر قنفذ يطق زهرة زمانه...لأن قالت لا يا هالخنتو الأمانه
هسه تتعدد أساليب الإهانه...و اللفظ كلا يتهموه بالخيانه
ها يغايب نبتلي بكشف الحقائق...و اليقللهم نعم بئسَ المنافق
و اليكره الندامه...خل يحترم إمامه
و انت تعلم
بإنتظارك سيدي خلّص عمرنه...يمته يالمصلح تجي وتصلح أمرنه
ما نقلك إرجع وداعت صبرنه...مرحباً انقول و هله بقائد صبرنه
احنه كلنه بأمرك ورهن الإشاره...يا غيور و ما تحب بس الغياره
و اليدعي بالسلامه...خل يحترم إمامه
و انت تعلم
