فاطمه اويانه اتقيم هاي الشعائر
من زينب احنه و فاطمه اتعلمنه...خط الشعائر يبقه يسري ابدمنه
شيعة علي و كلشي العلي قدمنه...ميهمنه لو نخلص قتل ميهمنه
للزهره كلنه انصيح فدوه المناحر
لابد نصيح و يسمع العادانه...منبر حسين اعله الشرف ربّانه
هاي الشعائر نرخص إلها ادمانه...و اللي يحاربنه نقص إلسانه
ما سكت بالتاريخ صوت المنابر
منجوز من هذا الأمر و انعوفه...لو طاح كل شيعي و قطعتوا اجفوفه
عباس علّمنه بنشيد احروفه...شباك أبو اليمه ابدمعنه انطوفه
كربله للأجيال ثورة ضماير
صوت المواكب و اللطم يجمعنه...شيعه و ألف حجاج ما يمنعنه
خلي اليعادينه يجي و يسمعنه...لحسين من يوم المهد وقعّنه
للأمم قبر حسين كعبة مشاعر
خدامك احنه اعله العهد تلقاها...و بمحبة رب العرش وصاها
ما تنسه ثارك شيعتك معناها...كلمة خلود و للزمن نقراها
لا تظن يالمحبوب عنك نهاجر
حفظوها هاي اقلوبنه و شوفوها...و احيو الشعائر للأبد احيوها
كربله البيها حسين ما يمحوها...يا شيعته ابكل اللغاة احجوها
ما قدر عن حسين يمنعنه كافر
وي مجلسك عشرة عُمر يدروني...و الناس خادم منبرك سمّوني
ههيات عنك سيدي ايبعدوني...أنعه المصابك حته لو ذبحوني
حته أقهر الشماة لجلك أكابر
